發佈時間：14:43 2025-08-23
《女神配對計劃》不經不覺已經播出第十二集，亦是《女神配對計劃 最後告白》推出前播出的最後一集。在這一集除有火藥味十足的踢館情節，還有趣味性及資訊量十足的「女神過去常識問答比賽」，考驗9位求愛勇者及３位踢館者對女神的「感應度」；為了增加花臣兼花生指數，問題分為「普通題」及「專屬題」，「普通題」是大包圍性質，一條問題針對晒五位女神；「專屬題」顧名思義是與五位女神個別自身有關的問題。普通題問題包括：「有冇喺學生時期暗戀過人」、「喺學生時期，曾經同時畀五個或以上嘅人追求」、「成績表評語『條裙經常過短，嚴謹留意高度』」、「有冇試過畀人欺凌」、「有冇試過因為犯錯而見家長」、「有一位女神細個想做考古學家」。
遭GM 當眾暗示好「Kam」
眾多答案之中，場面最混亂竟是「考古學家」題，問題一出，向來口多多的GM即九秒九問：「呢啲咁Kam 嘅嘢邊個？」Kris 即搶答：「好似係你嗰個（指Sophie）」，Sophie 聞言扮嬲反擊Kris：「做乜話我Kam」。之後話完有呢個「考古學」想法好Kam 的GM，答題時竟舉圓圈（意指佢認為答案主角是Sophie），令Sophie 再遭Yuki搞笑「踩多句」:「GM 都覺得你Kam！」被最愛GM 列入Kam系的Sophie，最後放棄人生說了一句：「GM話最Kam 係我」，GM 見狀即補鑊：「唔係，你愛歷史！」似耍花槍多過玩遊戲。值得留意的是，當這條答案一揭曉，全場即陷入一片驚呼，到底答案有幾咁出人意表？最令人詫異的，是原來有大部分女神讀書時均曾遭受欺凌，另外就是竟有不止一位女神、於讀書時試過同時被五名男生追求。
延伸內容：女神配對計劃｜曾展望委屈哭訴 葉蒨文感動落淚揭鍾情GM主因 Eddie林澤謙輪流出招
延伸內容：女神配對計劃︱曾展望扮蠢呃葉蒨文攬攬 兩情敵輪流亂入 阻住與女神過夜
延伸內容：女神配對計劃丨葉蒨文曾展望鬥深情對望好Sweet 兩人感情因一樣嘢起變數
關嘉敏少女貼紙相 惹全場黑人問號
至於五條專屬題中，最令大家頭痕的題目非關嘉敏莫屬！事緣Carman提供了一張中學時期與女同學影的貼紙相，問題是「呢張相入面邊個先係Carman」。但由於事主提供照片不但因有番咁上下歷史「舊到模糊」，相中兩名女生的外表亦似乎與現在的Carman扯不上任何關係，結果令Matthew及細John 同時陷入極大黑人問號，與Carman向來心意相通的Matthew亦投晒降：「我睇咗好耐，因為兩個都唔似Carman。」最終答案一出，不止參賽者，連幕後工作人員也為之嘩然，到底答案可以有幾Tricky？
另一條值得留意的是Sophie 的專屬題，Sophie 拿出了中學時期的美術作品—白色的八爪魚，問題則是隻八爪魚「點解係白色」。由於問題相當意識流，GM 及Eddie 亦分別將自己對Sophie 的了解發揮得淋漓盡致，Eddie 以八爪魚作品上有很多小鏡子作為解題著眼點，GM則以Sophie 喜愛哲學作為思考根據。
Jacob 簡單一句釋出無限愛意
為了幫「女神過去常識問答比賽」預熱，無綫官方社交網今早推出了一條預熱「番外篇」搶先看，製作組找來其中一位女神童年與媽咪的合照，叫在座的男同學競猜是否自己組別女神。在眾男同學忙著「感應」期間，Step組的Jacob突然彈出了一句：「我可能認得Auntie」，令Step及同組男同學打了個突！最終，Step組三名組員全線答中相中小女孩是Step，現場更一致通過Step媽咪後生時好靚女。
