更新時間：13:23 2025-08-20
發佈時間：13:23 2025-08-20
發佈時間：13:23 2025-08-20
在公屋輪候人數不斷攀升的今天，一位港男卻選擇「逆流而行」，於社交平台分享他與家人在屯門公屋居住了48年後，正式退租交還單位。他感激這個「養大自己」的地方，並坦言退租背後的原因，引來網民熱烈討論與讚賞。
樓主貼出清空單位的照片，紙箱堆滿一地，公屋已還原準備交回。他表示：「阿爸阿媽住咗40幾年，我都住咗20幾年……依家終於交返俾政府。」他感慨地說：「雖然周圍都爛哂，都有啲唔捨得，真心多謝依個地方，公屋幫咗好多人。」
他透露，搬遷原因是「買咗私樓俾父母養老」，並強調會負擔所有管理費及地稅。他謙虛地形容這是「好多香港人既寫照——大個咗努力搵錢，自置物業」。
網民紛紛留言讚他孝順、有公德心：「肯交返公屋有幾多個？」、「放返間公屋幫助有需要的人，值得尊敬！」樓主則回應：「自己都享受咗咁多年，唔左算右算啦。」
他亦回憶在公屋成長的點滴：「以前鄰里關係好好多，依家冷漠咗」、「細個冇冷氣就打開哂門瞓」、「樓梯口打麻雀、碌架床都係集體回憶」。他感嘆：「以前好多細路，依家變咗老人邨。」
他提到，鄰居由本地家庭變成多數新移民，語言不通令交流變少：「阿媽都話鄰居講普通話，見到都係點下頭，傾唔到計。」但他也坦然：「人生就係咁，要學識捨棄。不過偶爾會返黎睇下。」
來源：Threads＠jesse_tablet
最Hit
