發佈時間：19:02 2025-06-23
有數名疑似來自香港的遊客，被目擊在意大利梵蒂岡旅行期間，於聖伯多祿大殿排隊購買及挑揀聖水時，多次做出缺德行為，犯下3宗罪。目睹全程的香港女網紅隨後在網上發帖，大罵他們污染了聖水，並質疑「究竟有冇接受過教育」。不少網民亦批評他們「影衰」港人，紛紛表示「要割席」。
在港曾任職幼稚園校長的網紅「梨老師」在帖文中指，她日前到意大利旅行，在梵蒂岡聖伯多祿大殿的舖頭內選購聖水時，遇到一批缺德的疑似香港遊客。據她指，該批遊客講廣東話，並將歐羅兌換為港幣，因此很大程度上相信他們是港人。
她寫道，當時狹窄的店內「塞滿人」，而該批港人正在挑選「最完美聖水」和「最fit自己的戒指」。她表示，戒指都是同一尺寸戒指，但他們仍左選右選，還研究「戴左手定右手好」，完全不顧身後有大批遊客排隊等候。
她認為揀選最合適戒指沒有問題，但當後面遊客禮貌地請他們稍為移步時，「呢班香港人就話：咪由佢哋等吓囉，唔使佢哋等啊？甚至乎話佢哋排咗咁耐入嚟，後面嘅人要排得更加耐」。
手指塞聖水樽被喝止拒停手：匿係角落頭繼續試
這是他們犯下的「首宗罪」，第二宗罪則是揀選聖水時的離譜行為。據「梨老師」指，這班港人為研究哪瓶聖水「最滿」，竟「係到逐支逐支扭開人哋（聖水），伸隻手指入去摸人哋，睇吓邊支聖水係最多，倒人哋支聖水出嚟，睇吓邊枝係最滿」。在其中一名港人「倒人哋聖水時」，「隔籬個Friend仲話：你做得好啊，我啱啱都係咁倒出嚟」。
她指當時有其他遊客出聲喝止，但該批港人仍未有停手，「佢哋係轉個位，匿係角落頭，繼續倒人哋啲聖水」。
至於第三宗罪發生於付款期間，她指教堂表明只收信用卡，不收現金，但「佢死都要畀現金，直至到職員頂佢唔順，搶佢張卡嚟嘟」。
目擊者批自私：我唔知佢哋接受啲咩嘢教育
「梨老師」感到非常憤怒：「我覺得唔係幾好睇囉，我唔知佢哋接受啲咩嘢教育，而令到佢哋有呢啲行為。」她批評偷偷打開聖水的行為非常自私，也不尊重別人，直言﹕「咁樣你都會攪到人哋啲聖水unholy！」
帖文引發熱烈迴響，有網民問為何不即場制止，她即回覆道：「教堂間舖頭實在空間有限，而且入面只有一個職員收緊錢，所有人畀呢一班人塞住咗，行都行唔到……所以係咁嘅情況之下，想搵個職員幫手都冇辦法。」
不少香港網民斥責這班人「影衰」港人：「真係唔好影衰晒……要割席。」有人更指﹕「完全覺得佢哋真係好似冇接受過教育咁囉。」
來源：miss_pear_and_her_peers＠Instagram
