發佈時間：07:30 2024-04-13
今日封面小明星新鮮出爐！齊齊來了解小明星薑啤的小故事啦！
家長Share
薑啤家長說：「你好，我係薑啤麻麻。係去年既1月頭，天氣最寒冷既日子，協會既義工係山頭救左一隻狗b，應該兩個月大。本身係村民見到狗媽帶堆4隻bb係山頭野嶺搵野食所以求助，當我睇到IG post既時候，突然間萌生想試下養小狗既念頭，所以聯絡協會想成為暫託家庭。毫無懸念之下，協會安排將第一隻獲救既小狗交託俾我，命名薑啤。 薑啤一直都好細膽，如果抱佢/掂手腳都會惡，由於細細個已經有護食同埋開口咬人既情況，4個月大就送去trainer度onboard training。都基於有感情基礎，係一個月後既領養日重遇薑啤，佢都表現得好雀躍！確認過感情之後，決定領養薑啤，成為佢終生既麻麻。 為左教好佢，除左請trainer上堂，我自己都去上course學習狗狗既行為模式，不過始終薑啤既保護意識好強，間中就會突然發脾氣咬人，為左屋企人既安全起見，我決定同薑啤獨自搬出去，俾自己一年時間教好佢。慢慢開始去思考同了解薑啤既感受同埋動機，雖然有一次咬傷手要住院一星期，但我竟然係無嬲佢，只係覺得自己做得唔夠好，有邊啲地方需要改善，多同其他爸媽交流意見，亦都睇好多有關狗隻行為同情緒既資料。薑啤由細膽狗狗漸漸有返啲自信同安全感，亦都認定左呢個家，好多謝身邊一路支持我地既家人，朋友，協會義工，trainer，對佢既愛一日比一日多。希望我地一齊學習，齊齊進步，亦都希望多啲人領養代替購買，同埋唔好咁容易放棄，狗狗既行為問題五花八門乜都有，而性格亦都截然不同，係需要非常多心機同時間，多啲同人傾訴，可以聽多啲唔同既意見，養狗真係一門學問，唔簡單。」
IG: gingerbear_mongrel
小編寄語
真正養好一隻狗狗真的需要費時費力，唔容易啊！
如果你亦想自己的寶貝成為封面小明星，就快啲黎報名啦！下期封面就係佢！
參加傳送門：https://bit.ly/3On7Q4U
