更新時間：16:54 2024-04-15
發佈時間：16:54 2024-04-15
發佈時間：16:54 2024-04-15
在周日（14日）舉行的第42屆香港電影金像獎，論花生位最爆的，當然是19年後第6次稱帝的梁朝偉....的太太劉嘉玲！嘉玲變「蝦玲」，佩戴約港幣8萬多元的金龍蝦頸飾，「Loong蝦」look新鮮運到，冠絕全場！
老公梁朝偉再攞影帝，嘉玲姐力讚是最偉大演員：「我知道梁朝偉一攞獎，好多人會話：「唔係嘩？Oh my god！又係佢？畀啲機會人啦！』但我咁多年喺佢身邊，佢真係好偉大嘅演員，普通一個演員會付出100分或200分嘅努力，但佢付出咗500、1000分嘅努力，所以我覺得我哋香港有個好咁偉大嘅演員，我哋值得驕傲！香港電影加油！」含Loong量超高、氣場強勁的嘉玲，就連影帝老公都被震懾，「嘉玲姐」前「嘉玲姐」後的稱呼，整晚最大贏家，仲唔係劉嘉玲？
香港街市靚抽出PO
最緊要食腦！嘉玲姐高度讚揚梁朝偉是付出了500分、1000分努力的偉大演員，立刻成為網民熱話，而向來轉數快的「香港街市」立刻來個靚抽，推出限定優惠！「香港街市」今日（15日）在facebook出post，指憑該facebook截圖，到香港街市環球海產、寶達水產、黑鷹水產購買西澳龍蝦，即可減10元！
「香港街市」發文：「人人想出位？嚟街市買隻生猛龍蝦就得！當然唔少得長腳蟹、象拔蚌、東星斑，粒粒都係街市巨星。香港街市對海鮮嘅要求，100分新鮮係唔夠， 我哋會用盡200分努力，為街坊帶嚟500分生猛海鮮！P.S. 其實梁太一早訂咗龍蝦等今日同梁生慶祝。」附圖更見店主「賣魚盛」自製唔使8萬蚊的龍蝦頸飾，用紅色尼龍線穿起龍蝦，向嘉玲姐的「loong蝦裝」致敬！
「香港街市」龍蝦po：https://bit.ly/3PXtmyH
最Hit
