發佈時間：21:00 2024-12-14
「光B」尹光今日（14日）與男子組合OneUp方智弘和賀邦帶領8位舞蹈員，現身有「姜濤灣」之稱的銅鑼灣心臟地帶，為自己代言的廣告進行快閃活動，吸引過百人圍觀，場面熱鬧！問他是否要踩場？他笑言不是挑戰姜濤，只是覺得叫乜灣都冇所謂，大家可以叫「尹光灣」都得，話晒金百利大電視正播出他的廣告嘛！
延伸內容：粵劇折子戲︱ 米雪率團獅城演出哄動 尹光馮素波力撐
延伸內容：獨家直擊葉子楣生日派對星光熠熠 尹光、李思捷、黃百鳴輪住唱
延伸內容：瑪姬處女個唱歌精舞勁技驚四座 與尹光 楊詩敏合唱掀高潮
第一次街頭載歌戴舞
為代言廣告在街上載歌戴舞，尹光表示倒是第一次，他覺得開心又好玩，「都係第一次同咁多舞蹈員喺街頭進行快閃活動，話時話啲舞步真係冇乜練過，之不過亂咁跳都開心㗎！」他解釋自己最鐘意與後生仔合作，更表示之前拍了個廣告，跟MC Jin（歐陽靖）和同場的OneUp一齊唱了首洗腦歌兼跳舞，他直言：「我哋係老中青三代Rapper呀！」問他知否今日揀個位置叫姜濤灣？光B一點也不脫節說：「知！係特登揀呢度㗎！（想挑戰姜B？）唔係，其實叫乜灣都冇問題吖，你叫尹光灣都得㗎，任得你叫之嘛！當然我唔係想將姜濤灣改名。」
每天做運動保持體力
見尹光在現場載歌載舞，80歲高齡仍然咁好體力，他就表示自己喜歡唱歌跳舞，是不會停的，所以公司繼續為他出歌，最新一首叫《命硬80》。他分享保持體力最好的方法是每天做運動，「我一日行近萬步，最少都7千步，做人要漫步人生路嘛，哈哈！我一星期仲會打幾日乒乓波，噚日先同方力申打完，佢幾好波㗎，不過都係我贏佢少少，哈哈！（會唔會同佢鬥游水？）咁就梗係唔夠佢游啦！」
OneUp大讚尹光活潑
談到工作，尹光稱今日馬上就要到南海商演，明年3月就會開個人演唱會，還想看看與OneUp有沒有其他合作，例如可以一齊唱歌。在旁的OneUp兩子方智弘和賀邦一聽到尹光咁講，即點頭話求之不得，對於這位前輩，他們十分拜服，皆因一齊工作時，尹光比他們更活潑，稱得上是老當益壯。
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開｜星桄伴我心
即睇：「黑妹」李麗霞2段婚姻3次患癌「我其實係一個軟弱女人！」｜星桄伴我心
