更新時間：13:43 2026-04-03
發佈時間：13:43 2026-04-03
發佈時間：13:43 2026-04-03
復活節橫財夢又嚟喇！賽馬會於3月31日公布，周六（4月4日、耶穌受難節翌日）將會舉行六合彩復活節金多寶攪珠，特設6,300萬元金多寶，若以10元一注獨中，估計頭獎基金高達8,000萬元。著名玄學家吳佩孚早前就於社交平台大晒戰績，他分別在2月11日同3月15日都中六合彩三獎，加埋都有收近14萬元彩金，戰績彪炳。
吳佩孚師傅連中兩次三獎有心得
東姑之後揾嚟吳佩孚師傅教路，增加橫財運，吳佩孚師傅就話：「喺我哋嘅玄學嘅角度，中六合彩或任何橫財都係要有運氣，而要提升自己嘅運氣，首先就係要掌握到自己嘅所屬『吉時』，例如命格陽氣較重，就要喺較陰的時間去買六合彩，命格較陰，就喺陽氣旺盛的時間去買，所以對的時間好重要。」
「財位」購買 增強運勢
吳佩孚師傅強調除了時間上，在哪個位置買六合彩都是一個關鍵，雖然坊間有指在投注站購買彩票中獎機會比網上投注更大，但他每次中獎都是在家中購買，而中獎的關鍵所在是要在「財位」購買，而今年「八白佐輔星」坐落的位置在「正東方」或「九紫喜慶星」坐落的「東南方」位置去買六合彩，配合埋吉時去購買六合彩，中獎的機會率就會大增！
較利單數號碼、大利藍色波
至於今次六合彩復活節金多寶，他就話：「4月4日係戊申日，屬陽的日子，所以會較利單數號碼，大利藍色，不利綠色，紅色就一般，數字上利2、5、8、12的組合或尾數。」吳佩孚師傅表示去投注站時，身穿黃色或白色衫褲，較旺財運。
吳佩孚師傅特別教路買六合彩有機會中獎的心得。
連續兩個月中三獎
延伸內容 : 玄學家吳佩孚連中兩次三獎六合彩 親授一招「增強橫財運」秘法 !
《東周網》訪談系列節目《星桄伴我心》4月重磅嘉賓：
即睇：《中年好聲音4》「鹿七伯」譚永浩 新秀冠軍變賣菜謀生｜戶口剩幾十蚊難受歲月｜神跡驅使愛上網紅杜小喬
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
