發佈時間：15:32 2024-06-10
90年代演出多部情色電影而爆紅的葉子楣（Amy），自從1992年與醫生呂錫照拍拖後，就漸淡出影圈，可惜男友於6年前因心臟病而離世。
去年Amy突然現身各大公開場合，已走出陰霾的她表示有意復出。雖然Amy已經神隱30多年，但她於星期日（9日）在中環舉行的58歲壽宴，竟然有過百位名人、明星朋友出席，包括：李思捷、崔健邦、黃百鳴、陳欣健、黃玉郎等，而抱恙在身的佘詩曼媽媽亦有着得靚靚出席，當晚她開心得滿場飛，儼如自己的生日派對一樣。
接近晚上12時， Amy突然以神奇女俠造型現身，令現場一眾賓客十分驚喜。
走出男友離世陰霾 揭葉子楣秘求觀音賜良緣 | 57歲葉子楣仍戰鬥格 | 獨家專訪「波霸」葉子楣親爆私秘生活
波霸始祖
「波霸始祖」葉子楣（Amy），1990年所演出的首齣三級片《聊齋艷譚》已收過千萬票房，其後她演出的《玉蒲團之偷情寶鑑》再令她更上一層樓，隨即爆紅，當年她為保「豪乳」，更投下二百萬保險，成為香港破天荒第一宗「人體保險」，掀起全成話題。自從1992年她與醫生呂錫照交往後，就漸淡出影圈，她坦言：「男人係咁自私，而且當年最高峰連拍13部戲，都想畀自己休息吓！」兩人愛情長跑26年，男友卻在2018年到日本公幹時突然心臟病發而離世，令Amy大受打擊，幸好她向來性格樂觀，加上熱愛做運動，足足用了五年時間才走出陰霾，她表示：「始終大家都相處咗咁多年，當然係唔捨得啦！好彩有運動幫我，咁當時我住淺水灣，當年我都成日俾人影我放狗，跑步係得嗰條路，又唔想其他人知佢已經唔喺度，所以我搬離咗，而佢身後事無乜人知情況下處理咗！」
神隱再現
去年， Amy出席多個公開場合，明艷照人、皮膚滑溜的她，身形更勝從前，上圍依舊，但腰圍就瘦得只有21吋，她說：「我淨係做sit up 、踢腿、重複又重複，我諗都有1000下喇，但我唔會起哂身因為傷腰。」而keep到靚靚皮膚的心得，最主要就是多睡美容覺，她續說：「我每日差唔多七點鍾意就瞓㗎喇，呢個係對女人最好嘅保養，我冇失眠，撻落床一，兩秒就瞓著架喇，可能我鍾意做運動，做完運動鍾意整嘢食，食完就好想瞓架喇。」
雖然Amy已神隱30多年，改了電話又與朋友們斷聯，但星期日（9日）她於中環舉行的58歲壽辰，竟然有個百位名人、藝人朋友出席，如：李思捷、崔健邦、黃百鳴、陳欣健、尹光、關寶慧、蘇珊、羅蘭等，而出席的星媽亦極具份量，如有古天樂媽媽、吳君如媽媽等，而抱恙在身的佘詩曼媽媽，亦有俾面出席，當日帶了頭巾、身穿白色恤衫的她精神奕奕，見到老朋友更不斷主動上前打招呼，走到楊仲恩（John）身邊時，她雀躍得不停歡呼，當John搣她的面脥、揭開她的頭巾時，她更為興奮。
尊重前輩
Amy當晚安排了羅蘭坐在自己的身旁，原因是要方便照顧，她表示：「羅蘭姐係我好尊重嘅長輩，我就當佢好似媽媽咁，今晚就係想佢坐我側邊，可以幫佢攞嘢食，陪佢去廁所，好開心從來冇公開唱過歌嘅佢，竟然喺我生日會唱咗兩首歌，我真係好感動。」
