發佈時間：17:36 2024-11-15
曾傲棐（Arvin）今年第三首派台作品《頭號粉絲》MV昨晚（14日）上架，歌曲由徐沛昕作曲、林若寧填詞、NIXON編曲、廖志華監製。Arvin今年的兩首派台作品《FM 520》及《密友圈之謎》刻劃Arvin愛情上靦腆害羞一面，來到《頭號粉絲》雖赤裸地表達自己內心世界，但繼續愛得低調。
延伸內容 : 甄子丹愛女出新歌 | 甄濟如邀林愷鈴細佬拍MV玩甜蜜戀愛
延伸內容 : 江海迦話你知同「的士邦」鄭子邦的婚期
延伸內容 : AGA雙重意義 創作瓶頸化身故事核心
收林若寧的詞即刻「嘩 !」
Arvin透露原來在收到這份歌詞前一年，自己已試填過一次，更巧合地題材亦跟今次一模一樣，「收到林若寧先生份詞就覺得，『嘩！』我哋好似冇點溝通，但佢已經寫中咗我好想表達嘅嘢，而且係用一個高好多班嘅手法去寫咗我心入面諗嘅嘢。所以我覺得呢份詞雖然我冇involve太多，但係反而好似大家一click就中。」
他又自爆這首歌是今年推出的三首作品中最先錄音的一首，而且亦是花最多時間錄的一首，「由今年三月尾錄到十月。我覺得呢首歌係一路印證住自己唱歌上或者對呢份歌詞理解上嘅變化，我同監製廖志華聽番一開始錄嘅Take到近啲嘅Take，真係變咗好多。原來一步一步都行咗好多路，亦令我覺得有時啲嘢唔使咁心急，望住目標係ok，但唔使迫自己要即刻做到，只要每一日進步少少就可以。」
「熊仔頭」成員Sona出演女主角
MV找來「熊仔頭」成員Sona（劉曉穎）出演女主角，Sona亦是日系地下偶像團體Ace mode成員。MV中，Sona日間是辦公室接待員，私下卻是地下偶像；Arvin則飾演一個喜歡地下偶像文化、日本文化的內向男同事，一次看了Sona的演出後變成她的fans。Sona指自己是首次以「偶像身份」拍攝MV，覺得十分特別，「最深刻係Arvin嘅角色設定好鍾意我，但我最後連佢叫乜嘢名都唔記得，佢送俾我嘅禮物我隨手劈低就算，嗰下覺得好心悒。」
問到Sona Arvin的角色造型，Sona評價極高，「十分滿分嘅話佢有十分，真係本色出演！嗰啲開心、失望表情好到位，佢仲有一個好神奇嘅動作，就係永遠都會抹一抹啲手汗，佢好執着呢個動作。」旁邊的Arvin笑說：「 你咁講，我都唔知開心定唔開心好，哈哈。對我嚟講成件事都好難忘，因為我間唔時都會睇呢啲show，雖然我今日飾演一個內向嘅人，但其實我平時再摺好多，我會企喺角落頭。我連螢光棒都唔會用，所以我覺得今日好似包咗場嚟睇。」
