發佈時間：20:22 2026-06-03
近日Threads上瘋傳一則掀起大批網民熱烈討論的帖文，一名港女聲稱「撞到正」，發現拍拖接近七年的「軟飯男」男友，竟然帶小三返家偷食，更親眼目擊玩鴛鴦浴一幕，被斷正的「軟飯男」事後竟然提出一個要求，令港女直言「嘔心」，更把對方渣男行為公諸於世，獲大批網民支持！
通宵打牌提早返家斷到正
該名自稱任職美容師的港女，說和男友拍拖接近七年並同居，有天她和朋友攻打四方城打麻雀至通宵，怎料一返家就見到傷心兼震驚到核爆的一幕：「而家手震都唔知講咩好。佢同佢女同事 上左我屋企搞野 我琴日唔喺屋企打牌打到朝早先返 佢可能唔知我提早完 我x見到一對唔屬於我嘅鞋已經唔對路 一睇見到佢兩個一齊沖緊涼 一齊咗六七年，唔好而家先搞埋呢啲得唔得？」
港女親眼見到男友和他的女同事玩男女共浴，當場崩潰，嬲到手都震，最令她感到震驚及反感的，是男友向她提出一個要求！港女展示和男友的對話截圖，見男方一開頭向港女道歉，並稱該女同事已離開：「對唔住你 你而家喺邊 佢走咗 俾次機會我 可唔可以唔好同我屋企人講」
網民怒轟：即刻印大字報幫佢「揚名立萬」
男友偷食，最介意及着緊的，竟然不是心急補鑊盼女友原諒，而是希望女友「收口」，不要讓他的家人知道其渣男惡行！這帖文曝光後，大批網民直斥男方離譜，並紛紛叫港女立即行動，向男友家人揭穿渣行，並紛紛獻計，教女方如何完美復仇；「最後一句會唔會太X？仲顧住自己面子先 快X啲同佢屋企人講」、「一定要同佢屋企人講！」、「唔好同佢客氣，一定要開個WhatsApp Group，將佢阿爸、阿媽、姨媽、姑姐全部拉入去，再將張床照掟入去，然後退群！」、「直接印製大字報貼喺佢阿媽樓下屋企門口啦，既然佢咁愛惜面子，就偏要幫佢『揚名立萬』。」
港女回覆網民，稱目擊男友和小三出浴的一刻，震驚得立刻逃離現場，未有拍下證據，對於男友提出的要求，感到「失望嘔心」兼直言：「真係唔覺得佢有幾愛我，唔知六、七年同咗啲咩人一齊」外，更大爆自己月入逾5萬：「仲要佢份工得萬二，我五萬幾，平時好似包緊佢咁」，她更說和男友同住的地方，租金是由她全數支付：「間屋係我租 佢唔同我A都算 因為我知道佢原本就冇乜錢 我知道佢係冇能力 但係出軌就好失望」，又力斥男友竟然帶女同事返家偷食，是認為對方「冇錢爆房或者刺激 」外，又指該名小三滿面暗瘡。
渣男「七街瞓」 要阿媽喊住箍煲
對「軟飯男友」傷心失望的港女，未有因接近七年的感情而猶豫不決或繼續糾纏，相反立刻快刀斬亂麻，迅即把「軟飯男友」趕出家門「七街瞓」及更改大門密碼，而男方母親也知道這事，竟然主動出手替兒子箍煲！
港女展示和「軟飯男友」的另一張對話截圖及發第二段帖文：「「我同我朋友巳經block晒佢 佢琴日已經拎晒啲嘢 趕咗佢走 但我實在面對唔到自己屋企 佢媽咪又喊晒口打電話叫我原諒佢 話當面傾blablablaa 一堆幫佢講說話，老實講幾失望，佢知道佢個仔咁仲綁住我 …… 好頹 近排咩都唔順 又出軌又比老細X」而對話截圖內容，是港女叫渣男及他的母親，不要再聯絡她和她的朋友。
不少網民留言怒斥男方是「終極媽寶男」：「出軌嗰陣又唔見你想起屋企人？依家穿咗煲先識驚？」、「最自私嘅人莫過於此，傷害咗人，最緊要竟然係保住自己個名聲。」、「要阿媽講數箍煲，有冇咁好笑？」另外，由於該名港女在斷正男友出軌前，曾公開獨照，相中的她身材超好，纖腰長腿，身材突出，不少網民直指渣男走寶：「女友超正，都唔識珍惜！走去偷食暗瘡女同事！」
延伸閱讀：最新！尖沙咀無人機夢幻求婚！女主角Amy現身甜蜜say Yes：冇諗過大成咁！
延伸閱讀：型男醫生飛機救人hit爆小紅書！蔡一傑林愷鈴都Like！靚聲爆肌高顏值狂吸粉！
