更新時間：08:48 2024-06-15
發佈時間：08:48 2024-06-15
發佈時間：08:48 2024-06-15
剛播畢的劇集《神耆小子》，劇情輕鬆、搞笑，得到非常好的口碑。當中，由朱斐斐飾演的「程珍珠」上圍逼爆，最吸睛！她更因此吸納了不少宅男粉絲，她笑言：「呢個都算係我代表作啦！喺呢度我好想多謝服裝指導，因為我有咁豐滿嘅上圍，都係全靠佢哋死谷爛谷！原本，我得C cup上圍，佢哋用盡方法，令到我變咗E cup，估唔到出嚟嘅效果，令到大家咁印象難忘！」
斐斐表示自己的性格比較內向、文靜，與劇中的性格完全是兩個人，平日除了工作及節日之外，都甚少會作性感打扮。
12年前，畢業於第26期無綫藝員訓練班的斐斐，2021年改簽天盟娛樂，但仍繼續為無綫拍劇。她坦言並非因為在無綫沒有好的發展，而是想在自己30歲前，出外闖一片天，她直說：「我今年都三十有二，我想跳出舒適圈，出去睇吓、闖吓，𠵱家我除咗會拍劇、做主持，亦會全力喺KOL呢方面發展，用自己過來人嘅經驗，去感染所有人，話俾大家聽減肥並非節食、食藥，而係要瘦得健康。」原來斐斐最瘦的時期，只得85磅；而當時用盡方法去減肥的她，結果弄致失眠、脫髮、胃痛等，相信由她來分享健康減肥方法，最有說服力！
最Hit
