更新時間：13:02 2024-05-10
發佈時間：13:02 2024-05-10
發佈時間：13:02 2024-05-10
陳慧敏（Vivian）最近推出由林夕作詞的新歌《拯救我自己》，主題談及分手。
談及分手，陳慧敏坦言情歌的課題很久沒有探討，但事前只給林夕一個概念，由對方自由發揮填詞。她說：「林夕好多歌詞會令人反思，佢寫嘅情歌，除咗愛情之外，亦有好多哲理嘅課題。好多謝佢寫好多歌詞亦令我反省。」
陳慧敏形容自己在愛情路上經常都會出現飛蛾撲火的情況，當愛上便會很愛對方，但覺得愛一個人並非壞事，只是在相處過程中不其然會做對方喜歡做的事，慢慢變成不是自己。她說：「收到呢首歌時，我同緊圈外男友拍拖，當時係好甜蜜，大家正處於熱戀中，收到首歌仲諗內容會點呢？之後收到林夕份歌詞《拯救我自己》喎！到我錄音之前一日就分咗手，真係好邪！」
相隔7年再開騷 趁我們還有__
除了推出新歌，陳慧敏相隔7年後再開個人音樂會，於5月17及18日舉行一連兩場《趁我們還有___》。對於音樂會名用上下間線，陳慧敏坦言其實是一個填充題，希望大家透過音樂會去尋找各人心中的答案。她說：「我發覺近年大家都唔容易過，疫情、經濟、戰爭！大家都會談論失去，連想表達一啲野都會懷疑同卻步！當好多人談論有乜可以做呢？不如反轉去諗仲有啲乜啦！今次音樂會嘅主題係一條填充題，同大家一齊去探索。」
音樂會係一個心靈之旅
舞台設計上，陳慧敏透露會有少少融入大自然，係一個心靈之旅，會從自己的一個空間延伸至大自然，所以是一個好舒服的環境，而為讓樂迷可以一同經歷這趟旅程，慧敏哥音樂會找來了The Hertz任音樂總監，說：「自己好喜歡The Hertz，好開心今次搵咗佢哋，自己都未試過夾band, 好想透過今次音樂會成為一份子，然後邀請好多行內朋友、觀眾以一個互動形式嘅交流，係一個心靈旅程，觀眾會有一啲小卡抽，與平時睇嘅騷會好不一樣。」
最Hit
