誰不想青春常駐？
連1月才滿20歲的甄濟如（Jasmine），也特別為自己創作了一首〈Forever 19〉，記下自己當下的感覺，她想要的「青春常駐」，並非只形於外。
「我𠵱家20歲，唔知What would life be（生活會怎樣）？將來會係點？我想表達嘅係，長大會接觸到唔同嘅Environment，會有好多Ups and downs（高山低谷），都會受到影響而改變。所以我想自己，甚至所有人，都記得19歲嘅自己，係有自己嘅夢想、目標，可以保持童心。」
一般人眼中，甄濟如是「宇宙最強」甄子丹、汪詩詩的掌上明珠，伴着大眾成長的她，已長得婷婷玉立，其接近180cm的模特兒身段，大概已感受到DNA的奧妙；那她的夢想，大概輕而易舉吧？
「爸爸、媽媽出名，但係佢哋對工作都好努力，我都好Aspire by them（嚮往他們），所以我都會好似佢哋咁努力。
「我想Do my music（造自己的音樂），想我嘅表演，有觀眾嘅認同，所以我對自己嘅要求好高，有時甚至會瞓唔着。佢哋見到，都會叫我Relax，做自己就係最好嘅。」
為了造自己的音樂，甄濟如於去年7月便正式以唱作人身份入行。雖然樣子甜美，但訪問這天，她一開口唱着偶像Beyoncé的名曲〈Listen〉，雄渾磁性的聲線，當中的「Oh, the time has come For my dreams to be heard⋯⋯」（讓人聽到我夢想的時機到了），縈繞着久久不散。

不要做公主

訪問甄濟如，事前要遞交問題大綱，並不是因為她是「強二代」，而是她想用心準備答案。
「因為我驚做訪問！就咁講嘢，我已經好難好好表達自己；而且我嘅廣東話要再進步啲，先可以好放鬆咁做訪問。That’s my task！」於是本文便出現較多的英文句子。
不過，藝術零語言界限，令甄濟如可以暢所欲言，也成了她以唱作人身份出道的契機。
「我5歲就學鋼琴，7歲開始創作音樂，但都只係玩吓。到15歲嘅時候，我同自己講『I need to know my future！』（要知道自己的未來），咁我就決定Either art or music（美術或音樂擇一）。
「因為我之前都好鍾意Art，但我就決定做音樂，所以當時就下定決心，一定要去Berklee（美國知名音樂學府伯克利音樂學院）！」
逐步向目標前進，於學府度過了充實的一年，機會的降臨，令甄濟如決定停學，簽約唱片公司索尼音樂旗下RCA Records（大中華地區）。
「Year 1未需要選科，但我都覺得幾好玩，因為我啲朋友都好犀利，They are so musical！我都學到好多。」
去年7月正式出道，接連推出作品，甄濟如還以Beyoncé為奮鬥目標，「我鍾意女強人！ Idol一直都係Beyoncé，仲有Aretha Franklin，最近仲有Victoria Monét、Tate McRea、Dojo Cat⋯⋯
「細個同媽媽、阿姨睇Disney嘅電影，然後一齊喺屋企表演，我都唔鍾意做公主；我好鍾意《High School Musical》（歌舞青春），但Role play表演，我永遠都係要做Sharpay（角色名），因為佢係Diva！」

全家總動員

雖說甄濟如對公主系無感，但她在家中確實是唯一的明珠，其英文名Jasmine，是媽媽汪詩詩所選；中文名則是爸爸甄子丹的寄望。
「我記得『濟』係幫人嘅意思，to help other people；Jasmine係媽咪生咗我，見到我就係『This is a Jasmine.』，哈哈！」
對於女兒選擇當唱作人，父母也是全力支持，甄濟如於香港的表演及新曲發布會，甄子丹與汪詩詩，都是女兒的最強後盾。
「佢哋初初都有啲擔心，但係見到我咁努力，都好支持我。之前我拍《tbh》嘅Dance MV，拍到2am拍一個Dance break，我就扭親我嘅Thumb（拇指），初時我冇留意，後來好痛，媽咪好緊張同我睇醫生；爹哋就幫我貼藥，好關心我有冇好好Heal（治癒），因為佢拍戲都成日傷，He knows the pain。」
傷在女兒身，痛在父母心，在父母的關心及照料下，甄濟如也快速痊癒。而其胞弟甄濟嘉，則以新世代模式支持家姐。
「我冇諗過自己嘅Fan club名，但係我細佬就成日喺我度Comment『Yennerz! Yennerz! Yennerz!』，哈哈！I think we can think of a better name！」

擇男神條件

既要當唱作人，有理由估計，甄濟如有可能如天后Taylor Swift般，感情生活五彩繽紛，藉作品唱盡前度（或現任）。
「You know what’s funny？我全部嘅朋友都知，我係冇（拍拖）Experience，但我全部都可以作到，我啲歌係『I don’t need a man, I don’t need you.』，都係創作嘅故事。我好Workaholic，都冇時間拍拖。」
「而且好多男仔會驚我爸爸，佢哋啲Comment都係『I’m so scared of your father！』，哈哈！」
以當女強人為目標，甄濟如暫時仍處於A0狀態，「連我身邊嘅好朋友，都唔鍾意拍拖！」
雖說少女總對愛情充滿憧憬，但於戀愛這項目上，甄濟如並非一般少女，問她心目中的理想男神條件，她略略思考3秒說：「好似我爸爸同公公咁，Family man probably，性格好嘅，係Nice person好緊要。It’s not about the looks, it’s really about the inside.（外在不是重點，內在才是。）」
天花板格局，只是珠玉在前，要超越大概有一點難度。

Oldies but Goodies

看書不能只看封面，看人亦然。
別看甄濟如剛踏入2字頭，內裏的她，甚至其口味，也超乎其年齡層。
先喝一口私伙暖水，她自評：「我係Old Soul，哈哈！我唔飲汽水、凍嘢，鍾意飲抹茶。不過，我好鍾意食甜品，所以雪糕OK！」
年輕人愛的夜蒲，對不起，甄濟如也是可免則免，「我係屬於早瞓嘅人，如果瞓得着嘅話。我爸爸、媽媽都早起身，如果瞓到中午12點，媽咪會話我嘥晒啲時間。」
時間不等人，所以她才會趁青春逐夢，沒有浪費得來的優質DNA。而多才多藝的她，今年農曆新年還肩負多一個身份—利是封設計師。
「今年龍年，我公公都屬龍，而我細個會同佢一齊去上國畫班，所以我就設計咗一條龍，代表咗佢；旁邊嘅蝴蝶係我，而我用嘅印章，係公公喺我細個嘅時候，送俾我嘅禮物。」
每個構思、每下落筆，滿載甄濟如的心思。跟她慢慢實現夢想一樣，堅定的信念，就是勇往直前的動力。
老靈魂，其實充滿智慧。