更新時間：11:34 2026-09-24
發佈時間：11:34 2026-09-24
發佈時間：11:34 2026-09-24
現年58歲的資深演員吳瑞庭，早於80年代出道，拍過無綫劇《蜀山奇俠》、《義不容情》等，至1992年約滿到大馬發展，其後又到內地工作及轉型做美術指導。事隔27年，他以「型佬」姿態重投幕前，近年除了參演無綫劇《靈戲逼人》、《新聞女王》外，又有拍攝電影《我談的那場戀愛》 和《武替道》等。
近日正熱播的無綫劇《死有對証》中，吳瑞庭飾演社團大佬「暴龍」，跟警員馬貫東經常發生衝突，但不幸遭人殺害，因案中有案，最終要解剖了解其死因。入行近50年的他，原來是首度瞓解剖床，說︰「感覺好凍，張枱又係不鏽鋼，加埋廠啲冷氣好凍，感覺都幾唔舒服，好彩拍攝wide shot時，啲工作人員都有攞毛巾俾我墊背脊。」
而從業多年的吳瑞庭，原來多年來都有不少靈異經歷，他說︰「講少少俾你聽吓啦，好似之前返去內地拍TVB劇，因為我就好夜過到去，第二朝一早06要起身，咁樣去到酒店房，我就第一時間執好晒嘢，睇完劇本，就去瞓覺。去到半夜3點鐘，點解咁『燦』眼嘅，原來電視機自己着咗，我即刻諗明明冇開電視，咁順手熄咗佢，同佢哋講︰『哎呀！唔好意思！打攪晒！我聽朝開工㗎，唔好玩啦。』咁就繼續瞓啦，瞓到6點又再着過，今次仲有埋聲添， 我咪局住起身咯，我又冇驚嘅。呢個係比較簡單啲經歷。」而稍後他會上網台分享，希望唔會嚇親觀眾。
最Hit
