更新時間：11:00 2026-09-22
發佈時間：11:00 2026-09-22
發佈時間：11:00 2026-09-22
男團MIRROR人氣王姜濤，去年被爆出在西區墮海，一度在海中淹浸近10分鐘，跟生死擦生而過。他最終獲救後攤伏在船上，全身濕透，臉色灰白，經送院治療後，他在IG限時動態表示無礙，翌日已復工，他解釋是因「食咗止痛藥，飲咗少少酒」兼坐海邊欄杆睇夕陽時，不慎跣落水。
唔介意重提墮海事件
自此以後，姜濤也不介意外界再提落水，去年11月在活動上，他大方回應：「這沒什麼不能說的吧，是真的很難忘，畢竟人生中也沒有幾個人會跌入海，我都算有幸成為其中一個。」 隨後還開玩笑自嘲：「最大的突破就是人沒事，人沒事才會有突破！ 」近來，他還將落水玩至極至，隨着昔日「男神」馮德倫曾執導其單曲〈Every Single Time〉MV，是次再下一城聯手合拍銀行廣告，他還自抽當日「落水」一事。片中，姜濤身穿救生衣準備再次落水，而他和馮德倫正在討論「落水」戲，馮德倫說：「呢個海好深㗎﹗不過唔使驚，有我喺度陪你對戲，你跟住我尾得㗎喇。」而他回答︰「多謝晒﹗不過落水前我想問吓...…係咪一定要落水㗎呢？純落水嚟講，我諗唔係我嘅Selling point。」馮德倫聞言後說：「啲英文好好喎﹗」姜濤回應：「係呀，浸過鹹水呀嘛，英文歌詞都有唱啦，你未聽過咩？等我唱畀你聽﹗WOOO...」馮德倫忍不住謂：「得啦﹗明㗎啦﹗總之呢場戲，係要講你嗰種Frustrated﹑scared﹑confident﹑passionate﹑understand？嗱嗱臨跳落去，快啲一齊收工啦﹗」
姜濤二話不說，即時行動，表示︰「我明喇，為咗藝術同收工。」隨即做定熱身及拉筋準備落水，而馮德倫都叫他保持呢團火，快速完成工作。
延伸內容︰直擊姜濤墮海後閉關生活-靠3招走出陰霾
延伸內容︰MIRROR｜姜濤認不小心駕駛 P牌被運輸署吊銷重考路試
最Hit
