發佈時間：15:45 2026-09-21
已故樂壇天后梅艷芳（阿梅）的母親覃美金（梅媽）上月底離世，4年前遭梅媽登報脫離母子關係的長子梅啟明馬上蒲頭，揚言要跟姪仔梅伯麟爭辦喪事。惜有傳媒發現梅媽的喪禮，已於上周六（9月19日）傍晚秘密於大圍富山火葬場進行火化。冒在鼓裏的梅啟明得知梅媽被火化後，激動得怒斥：「告佢謀殺！」當晚深夜聯同女友May May在西灣河碼頭的一間餐廳接受訪問期間，越講越激動，之後血壓飆高，身體不適，在場人士即時急call白車，將他送往東區醫院。梅家新聞，可謂日日新鮮。
事實上，梅啟明之前的言論，語出驚人。而他入院一周前，曾受訪斥解疑團，當中包括︰財來何方、跟前妻的錢銀瓜葛、更指多年來對梅家冇虧欠，反而是阿梅虧欠他，自己不是癈人等。
親解財來何方
現年74歲的梅啟明，早前開記招提出多項「重點」，言論出位。日前，他現身九龍城接受頻道和本刊訪問，手持兩大袋文件，有備而戰就種種爭議逐一回應。梅啟明自言自己是「100分孝順」，但就4年前被梅媽登報斷絕母子關係，斥他財迷心竅並實施經濟封鎖。他解釋是梅媽對外「收咗錢」及是經姪仔挑撥離間所致。
昔日是破產人士梅啟明，當時揚言會豪花150萬為梅媽風光大葬，對錢錢從何來，他解釋自己一直有打散工，經記者追問是否有金主？他默認︰「有人back up，錢唔使擔心。」不過，現在梅媽已遭火化，相信那150萬可以慳返。
跟前妻瓜葛
梅媽離世，姪仔當他透明，就連元配兼為他誕下一子的馬來西亞籍元配老婆Joey，也不恥其多年所為，早前出示多張梅啟明的欠單及向傳媒爆料他靠梅媽供養50年，「佢從來冇做過一份固定嘅工作，只係做『全職兒子』！」她又指昔日梅啟明由做劏房、開馬來西亞食品店等生意，全部血本無歸，甚至乎為阿梅搞的齋宴和演唱會都損失超過百萬，全部要梅媽收拾殘局。除了榨乾家產，梅啟明更用梅媽的錢包二奶、三奶，最終梅媽都頂唔順。Joey說︰「每次梅媽逆佢意思，梅啟明就會大發脾氣、要生要死，多次醉酒返家踢門，所以梅媽叫我帶我個仔返大馬，唔好嚇親細路，其實梅媽都係進退兩難！」而她兩母子現時在大馬住劏房，生活艱苦，但梅啟明一直懶理，直到去年她向破產處投訴他隱瞞收入，梅啟明才肯每月轉帳3000蚊「封口」。
對於Joey斥他出軌及不養家？梅啟明的回應，理直氣壯︰「初初冇㗎，我無家可歸……呢個May May，阿媽每晚都叫佢上嚟食飯，May May上嚟都一抽二『㨢』。」問及有否拋妻棄子？他說︰「6、7年分開，分開咁多年，錢我一路有寄。除咗錢，冇嘢講咯。8年前成日同我講離婚，你比到我有個心結，你話我點諗法？我咪有條刺喺心度。」再問他緊接的女友是否包括恩恩和泰籍 May May，他豪言︰「緣份，何止呀？」就畀錢前妻一事，他為求清白，提供入數的部份單據照片，早於2019年曾電匯有過萬元的錢給前妻，而近兩年亦曾過數，部份單據的數額是4千元。
否認癈人 阿梅欠佢
向來有自己一套的梅啟明，毫不在乎外界對他斥責為「四大癈人」、「教材式廢柴」等，他謂︰「雙拳難敵四手，全部抹黑我、攻擊我。廢字唔係我身上，應該話我係鐵人至啱，我仲做緊嘢，老虎都打死兩隻。（做咩工？）最近剛做完園藝，現做阿媽啲嘢，暫時停工。之前成日做散工，因為要見律師、上庭，做全職工唔可以成日咁樣嘛。」
問到梅啟明終極目標是否想取得阿梅餘下的遺產，他肉緊說︰「冇諗到，我由頭到尾都諗過遺產啲嘢。（咁你可以放手啦？）」我唔放手，錢應就應，唔應有就唔應，點解要畀外人謀奪？屋企人嘅，包括物業，被外人侵奪晒。（姪仔都係家人喎？）咁攤出嚟咯，喂，你係乜水？你係姪嚟喎，真正嚟講，幾時輪到你？」
人生已過了大半的梅啟明，坦言冇遺憾，反而是家人對他有虧欠，「包括阿梅，大不了嗰廿萬，佢冇擔保我狗場，我咪走咯，唔係走佬，係自己走咗去搵食。」全個訪問約兩小時，梅啟明保持你有你問，我有我答，堅持自己「無花無假」。他的斥解，相信與否？真的假不了，假的真不了。
延伸內容︰獨家｜姪仔突然火化梅媽｜梅啟明激到入院｜神智不清口噏噏：阿媽你快啲嚟，魔鬼燒你⋯⋯
延伸內容︰梅啟明記者會丨揚言為母「風光大葬」梅啟明斥肥媽：佢攻擊我，誣衊我！
