發佈時間：09:00 2026-09-22
已故樂壇天后梅艷芳的母親覃美金（梅媽），於8月30日離世。4年前，遭梅媽登報脫離母子關係的長子梅啟明馬上蒲頭，不僅要與姪仔梅柏麟爭辦梅媽的身後事，更聲稱要豪花150萬元幫梅媽風光大葬。
不過，言猶在耳，上周六（19日）梅媽的喪禮已低調舉行，並在大圍富山火葬場進行火化。沒有被通知的梅啟明，事後得知母親已被火化，激動得斥責姪仔：「告佢謀殺！」當晚深夜，他隨即在泰籍女友May May的陪同下，於西灣河碼頭的一間餐廳接受訪問；期間，他怒轟姪仔：「唔係人、冇良心！」並且越鬧越激動，引致身體不適，要call白車送院。
一切從簡
隨着「梅媽」覃美金撒手人寰，現年74歲的長子梅啟明便火速蒲頭，縱使有指梅媽生前已立下遺囑，指明身後事全權交託給孫仔梅柏麟（即已故次子梅德明的兒子）處理，並且一切從簡，但梅啟明則強調︰「孫就係孫，仔就係仔。」又指要豪花150萬元幫梅媽風光大葬，不單止搵高僧誦經，還因梅媽怕火，拒絕火葬，更選定在將軍澳永遠墳場進行土葬。
不過，上周六（19日）傍晚，梅媽的靈柩被送到大圍富山火葬場，經半小時的莊嚴儀式，梅媽生前的一眾親友、大約20人步出，並進行「檻火盆」的儀式，接着到對面的化寶爐焚燒祭品；期間，有人大喊「收嘢呀！」然後，大夥兒神情哀傷地離開。
情緒失控
當日原來是梅媽的「尾七」，梅啟明事後從記者口中得知梅媽已遭火化，隨即情緒失控，語出驚人地向姪仔爆seed：「𠵱家告佢謀殺，佢哋毀滅證據呀嘛！」當晚深夜，他和泰籍女友May May在西灣河碼頭的一間餐廳，接受本刊和頻道的獨家訪問。梅啟明先透露當日曾到過殮房，查問梅媽的遺體是否仍然在內？不過，殮房職員表示因涉及私隱，叫他轉向警員查詢，令他察覺有異。
同日傍晚，原來梅媽已被火化，梅啟明全程被蒙在鼓裏，他不忿的說︰「想搵番啲骨灰，幫阿媽重新入葬。乜都唔畀我知，冇一個係阿媽親戚，係咪搵啲臨記返嚟做戲？𠵱家毁滅咗阿媽屍體。我今日都仲燒金銀衣紙畀佢安息，但夜晚就話阿媽被火葬，我更加激心！」
胡言亂語
對於未能送梅媽最後一程，他指是有人扭曲及抹黑自己和梅媽的關係。問及是否想鬧姪仔？他即提高語氣，但越講越激動，兼血壓飆高：「極之想鬧佢，根本呢個都唔係人嚟嘅。阿媽由細教到佢大，但係佢今時今日咁樣嚟對待阿媽，我真係好激心同埋好痛心，呢個人真係冇良心⋯⋯我透唔到氣，講起呢個衰人，我就火滾。」
身旁的女友May May補充︰「嗰個人唔啱，火燒梅媽，大仔都唔知，太過分！」而梅啟明突然狂咳又手掩心口，狀甚不適。於是，記者馬上替他電召白車。在等候期間，梅啟明一度挨着座椅上，又除下帽，面容扭曲，May May又立刻拎水給他飲，再找來藥膏給他聞，但他仍不斷長嗟短歎。
直至救護人員抵達，向梅啟明問道︰「阿叔咩事？你叫咩名？」但他似神智不清，還喃喃自語︰「咁樣燒咗佢⋯⋯太殘忍！哎吔⋯⋯冇良心，魔鬼、魔鬼⋯⋯等天收！」May May便代他答︰「阿媽今日被人燒，訪問緊，佢變成咁，佢之前中咗COVID（新冠肺炎）。」
隨後，梅啟明由救護人員抬上白車，期間繼續口噏噏：「我阿媽呢？阿媽你快啲嚟，魔鬼燒你、魔鬼燒你⋯⋯」而May May亦有陪同上白車，最後他被送往東區醫院。入院後，梅啟明持續胡言亂語，醫生便安排送他入特別的休息室，讓他平靜情緒。跟着再接受醫生檢查，至凌晨四時許，梅啟明見身體無恙，便決定出院回家休息。
延伸內容 : 梅啟明斥解疑團︰財來有方 拋妻棄子 自辯「鐵人」 另直指「阿梅虧欠我」
延伸內容︰獨家｜姪仔突然火化梅媽｜梅啟明激到入院｜神智不清口噏噏：阿媽你快啲嚟，魔鬼燒你⋯⋯
延伸內容︰梅啟明記者會丨揚言為母「風光大葬」梅啟明斥肥媽：佢攻擊我，誣衊我！
