更新時間：18:04 2026-05-09
發佈時間：18:04 2026-05-09
發佈時間：18:04 2026-05-09
湯令山（Gareth.T）昨日（8日）現身「添好運懷舊點心系列」發佈活動，並獲邀率先試食新出食品。一向鍾意煮嘢食的Gareth，還把握機會即席向符星師傅「拜師學藝」，齊齊做「油粒粒果仁豬油包」。
形容編曲像千層糕
Gareth近日在樂壇獲獎，他即場分享創作歌曲跟做點心也有共通之處，他認為無論是作曲、作詞定做點心，都是發揮對藝術的極致，尤其是編曲方面，將不同樂器層疊上去，彷彿像千層糕一樣。
外國食點心似返屋企
提到他的歌〈勁浪漫 超溫馨〉中的一句歌詞「兩粒燒賣 當火雞」，他笑言自己也很喜歡食點心：「我記得我嗰時喺外國生活唔想食漢堡包、牛扒，反而我掛住點心嘅味道，其實點心係橋樑，將唔同年紀、唔同時代嘅人帶埋一齊。」他表示如果食到燒賣或叉燒包，更會令他想到屋企。
湯令山即席拜師學藝
Gareth表示自己也很喜歡煮嘢食，經常會睇煮嘢食的片，「我試過整西餐同印度嘢食，其實我好鍾意食印度嘢，但未試過整點心，我諗應該好難？」大會特別安排他即席向符星師傅「拜師學藝」，齊齊做「油粒粒果仁豬油包」。兩人一邊做點心，一邊打卡，話當年之餘更談創新，十分投契。
延伸內容：湯令山憑〈用背脊唱情歌〉奪叱咤2025至尊歌曲 曾因未忘舊愛鄧凱文 藉創作學習放下
延伸內容：湯令山率53裸男 朗豪坊快閃演出新歌《用背脊唱情歌》惹哄動
最Hit
