發佈時間：14:26 2026-10-12
《女神配對計劃2》於昨晚（10月11日）播出第 6 集，「冷氣男神」方智弘（Oscar）竟同時獲得兩位女神俞可程（Kanis）與何沛珈（Roxanne）送上「心動吊墜」，創下兩季以來的第一次「兩男爭一女」的情況，令現場氣氛陷入極度微妙的角力狀態！
Oscar 感「受寵若驚」
Oscar 面對另一女神何沛珈的青睞，Oscar 坦言「受寵若驚」：「喺揭曉嗰刻，我真係有啲震驚。兩個？我都有留意吓 Kanis 嘅表情，Kanis 會唔會唔開心？」隨後他又笑言：「我真係有少少迷糊，唔知點解，佢（Roxanne）係咪投錯咗？」
而被夾在中間的俞可程（Kanis）亦難掩失落與呷醋，當場面露難色之外，她也在後台直言：「係呀，有少少唔開心。點算？之後 Oscar 會唔會都想了解吓第二個人？」
落空 Tony 難掩失望
何沛珈（Roxanne）解釋道：「 Tony（林福明）俾咗我一個好大嘅反差，我覺得佢真係一個幾好嘅男仔，不過 Oscar 佢嘅表現又令到我好心動。所以我唔知呢一票係唔係有關於之後可以同其他人進一步互動？所以我就揀咗 Oscar！」
眼見心儀的何沛珈投向 Oscar 懷抱，落空的 Tony 難掩失望：「諗咗好耐我究竟做錯咗啲咩呢？」不過他並未灰心，更直接向鏡頭喊話「宣戰」：「我會諗啲點樣嘅策略可以追到心儀女神。睇住嚟啦，Oscar！」
丁標出局 陳若思感愧疚
此外，經過花生團集體商議後，今集共有 4 位求愛勇者遺憾淘汰，分別是劉宏偉（Ares）、陳萬龍（Man Lung）、劉梓堅（兔仔）以及李韋標（丁標）。
其中先前一直與陳若思（Amber）互動頻繁的丁標出局，令陳若思深感愧疚與不捨，真情流露向對方道歉：「好對唔住，如果我知道，我一定會揀你，但我唔知呢個環節係淘汰。」說罷更主動送上深情抱抱，場面感動。
而在後台接受採訪時，丁標亦難掩悔意：「有啲後悔喺第一回合冇盡力去爭凳。唔係阿朗公主抱佢，係我公主抱佢，可能結果唔一樣。」
延伸內容 : 《女神配對計劃2》俞可程與「冷氣男神」Oscar甜蜜自拍 郭珮文獲Preston餵食拿破崙
延伸內容︰屯門女童拎啤酒丨東張女神俞可程採訪後感觸良多 直指「生仔要考牌」
延伸內容︰女神配對計劃2｜Oscar海鮮過敏 頂硬上為俞可程剝蟹 女神甜滋滋回應
延伸內容︰女神配對計劃2｜40歲侯建民冧爆俞可程 真身大起底 袁偉豪同屆香港先生
