發佈時間：11:15 2026-10-12
已故天后梅艷芳胞兄梅啟明，在其母親覃美金（梅媽）離世並火化後，由於冇份出席梅媽的喪禮及得知骨灰的下落，一直有意為梅媽搞追思會。
但日前（10日）在梅艷芳的63歲生忌，竟爆出其骨灰被盜，因有事而身在廣州的梅啟明，昨日（11 日）馬上將追思會改為阿梅舉行，他說：「咁突然，兩件事一齊嚟，原本諗住喺阿媽出生地廣州搞，但依家骨灰事宜緊要，所以做阿妹先。」縱使時間倉猝，他也找了一私人場所舉行「永遠懷念梅艷芳」追思會。據知，今次梅啟明是真金白銀拎4千元人民幣出來搞，現場以99枝新鮮的白菊花作布置，背景則是梅姐在花海中微笑的片段，有歌迷及工作人員共34人出席。
傷心到淚崩倒地
梅啟明和泰籍May May女友陪同下現身，二人打點一下場地後，便靜坐在一旁，直到有當地傳媒前來，梅啟明便上前受訪。他先慨歎梅姐骨灰被盜事發於7月，直至日前接獲傳媒電話才得知，「如果搵返阿妹骨灰我就放心，因為阿梅在香港做好多善事，邊度有水災、有咩事都第一時間做善事，出錢出力，點解佢骨灰會被盜去呢？真係好殘忍！希望香港市民、阿梅粉絲，有阿妹消息都盡快與警方聯絡，希望盡快搵返阿妹骨灰！」
提到自得知阿梅骨灰被盜，梅啟明坦言︰「係人生中最痛苦，成晚瞓唔着，點解咁殘忍！真係天理不容！」他還忍不住數度崩潰痛哭，未婚妻May May也上台送上紙巾並安撫，梅啟明續說：「阿妹你快啲顯靈，帶返骨灰返來，阿媽骨灰都未有下落呀！好冇呀？」至於有人質疑梅啟明偷骨灰？他邊哽咽邊說：「我偷骨灰做乜呀？啲人有冇良心，講啲咁嘅說話，我偷來做乜，嗰個我個妹嚟！」最後他越講越激動，更哭崩倒地，不停自言︰「點解你條命咁苦，做咁多好事，阿梅呀！嗚嗚嗚……」待情緒平復過後，梅啟明強調稍後回港，會再出錢拎幾萬蚊為阿梅及梅媽搞追思會，並再三呼籲大眾幫忙尋回阿梅骨灰。
延伸內容︰梅艷芳63歲冥壽骨灰遭盜竊 梅啟明懸紅求線索 七仙羽師傅警告偷骨灰「犯陰陽大忌」必遭極凶現世報
延伸內容︰梅啟明未婚妻May May 大爆相戀經過 同情變愛情 同是破產淪落人
延伸內容︰梅啟明爆要製作「AI梅媽」下葬 周永恆聽到爆粗 現場突發「反枱」
