更新時間：08:08 2023-11-02
發佈時間：08:08 2023-11-02
發佈時間：08:08 2023-11-02
貴為「東張女神」之一的黎寬怡，於2018年加入《東張》，由報道娛樂新聞開始，到近月轉而追擊社會時事。當中追訪垃圾屋及棄養動物的主人翁，令她最為深刻，因為有機會接觸社會不同階層，以及探討事物的角度更透徹。「我第一次做時事報道，事先有隨crew去觀察其他同事嘅做法，理解咗有一定嘅危險。到真正落場，我現實係好驚曱甴，但當採訪間垃圾屋時，真係有曱甴爬喺身。我當刻會忍住，完全冇諗咁多，可能呢個就係工作使命。」
她繼續分享：「其實出勤去報道垃圾屋，係要有計劃，我採訪完屋主，之後仲好需要其他義工團體嘅幫手。事前要視察環境，同屋主溝通好，繼而執屋、滅蟲、清理垃圾等，還要顧慮鄰居情況，係一環扣一環。我見證媒體嘅威力，真係幫到有需要嘅人。」
不過，一些有問題的人士仍會拒絕受助，寧願維持現狀。愛莫能助的黎寬怡，坦言沒有因此而失望，反而有所領悟：「我個人變得有耐性，更會體諒和明白當事人，有時係會無能為力；但見到啲有心義工，佢哋不辭勞苦咁去幫忙，領悟到任何人都重要，任何人都值得，同埋世間仍然有愛！」「女神」除了樣靚身材好之外，最重要還是心善！
最Hit
