更新時間：19:59 2023-10-30
發佈時間：19:59 2023-10-30
發佈時間：19:59 2023-10-30
TVB熱播劇《香港人在北京》開播以來反應不俗，劇中飾演徐港仁（陳展鵬飾）太太「鄺海倫（Helen）」的吳若希的角色都深得觀眾歡心。繼首集色誘陳展鵬慘食檸檬後，於本月10月18日播出的一集，吳若希就以性感睡衣上陣「生擒」對方，而展鵬就即時除衫迎戰，赤裸上身兼擺出不同的搞笑甫士，觀眾們睇得開心又驚喜。
老婆指導同Jinny拍床上戲
日前，陳展鵬出席香港美髮美容業商會就職典禮活動時，談及觀眾的反應時，他就笑言這一場口是突然加插的，所以身材胖胖的，他說：「當時我都未修身，修身都需要時間，加上有時都要配合個角色，徐港仁唔係一個好弗的人，有少少肉哋都好合理，最開心就係大家都鍾意這個角色。」至於分別同吳若希和蔡潔有親熱戲，太太單文柔有否呷醋，陳展鵬就話：「梗係冇啦！我同Jinny拍床上戲嗰場，太太都喺現場睇住，佢指導我的。」
重視保濕同清潔
另外，陳展鵬活動上被副會長兼美容專家勞淑華小姐讚不絕口，讚他有型有靚仔，陳展鵬就笑言自己不是美容專家，只因為做演員多年，有少少美容心得而已，他笑謂：「我哋做演員經常化妝，所以皮膚護理上真係唔可以懶惰，特別係保濕同清潔方面，真係好重要，至於頭髮方面，好多男士習慣洗完頭，唔吹頭就瞓，咁樣對頭髮會唔好，同埋要早啲認識護理頭髮同保養，咁對頭髮係最好嘅。」
最Hit
