發佈時間：20:17 2026-05-31
昨晚（30日）尖沙咀夜空出現由無人機以心心拼砌「Marry Me」字樣，這一幕震撼的求婚奇景，立刻成為網上熱話，有網民拍得無人機求婚這幕，並在threads等社交媒體分享，令網民們大呼浪漫外，更十分好奇：「個女仔有冇say yes？」、「男主角到底求婚成功未？」直至今晚（31日）答案終於揭曉，女主角現真身，說已答應求婚，剖白被求婚心情！
出動無人機求婚，很多身處尖沙咀海傍的網民都拍得這浪漫甜美的一幕，發現無人機不單拼砌「Marry me」字樣，更有紅玫瑰、「1150 days」及一句「Tonight love writes itself across the sky and into eternity」。正當全網熱切討論之際，今晚（31日）這場世紀求婚的女主角終於親自現身揭曉答案！女主角名為 Amy Lai，在ig（@thedreamylai ）自稱traveler及explorer的她，ig followers超過3萬，平時她常分享旅行及美食等生活日常。
女主角發聲
無人機浪漫求婚變全港熱話，身為女主角的Amy Lai坦言十分驚喜意外，她分享被求婚的照片及剖白心情。甜蜜宣佈已經答應求婚，正式升級為準新娘的Amy Lai，坦言事前大約猜到男友會有所行動，但萬萬沒有想到，最終的驚喜規模會如此巨大震撼，更為男友的心思而感動莫名。
「我其實大概估到會被求婚，但我冇諗過最後個 surprise 會大成咁… 事後聽返fiancé (omg this term!)講，成個構思來自於《分分鐘需要你》：由兩個人一齊搭住火箭出發，到太空睇流星，再係天空寫下“Love writes itself across the sky and into eternity.”聽到呢度，我先發現最感動嘅其實唔係無人機有幾多架、場面有幾震撼。而係有人願意花咁多心思，將一首上世紀嘅情歌、一個故事、一份感情，變成一個屬於我哋嘅宇宙。」
成為全港焦點，Amy Lai說希望大家可以好好去愛：「而最意想不到嘅係原來有咁多人同我哋一齊經歷咗呢一晚：有人喺行行吓海旁見到、有人食食吓飯邂逅到，有人喺 Threads 留言祝福… 多謝你地成為左我地故事嘅一部分，多謝你地嘅靚相。希望有生之年，真係可以一齊去太空睇星星而喺去到嗰日之前，希望我哋都繼續好好去愛、好好被愛。亦願呢份愛可以送俾每一個願意相信美好嘅人。」
網民感謝：給全港快樂
Amy Lai發文後，立刻有大批網民送上祝福，並大呼羨慕，說她有個難忘的求婚外，更大讚她的未婚夫給全香港人一份快樂：「黐線，好浪漫」、「祝福你地，你準老公咁做令全香港人都開心，多謝」、「真係好癲，全香港都知道，創造新天花板，要幸福，唔知婚禮會有啲咩驚喜」
相關文章：型男醫生飛機救人hit爆小紅書！蔡一傑林愷鈴都Like！靚聲爆肌高顏值狂吸粉！
>>按圖即睇浪漫求婚及靚靚準新娘<<
