發佈時間：13:22 2026-09-18
TVB戀愛真人騷《女神配對計劃2》在周日（20日）播出的第三集，五大女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana），將撳燈挑選心水求愛勇者！上集結尾預告本集將有第一季的求愛勇者「回歸」後，網上連日來即掀起各式各樣揣測。昨日（9月17日）製作組率先披露該名勇者的身份，就是在《女神配對計劃終極告白》中，關嘉敏（Carman）以單身作結而拒愛的黃家俊（Matthew）。
黃家俊、關嘉敏緊「蜜」聯繫
於《女神配對計劃終極告白》中，黃家俊雖然被關嘉敏拒愛，但二人私下都有緊「蜜」聯繫，二人曾被《東周刊》直擊恩愛放狗，Matthew更以「黃關嘉敏」蛋糕為她慶生，可惜關嘉敏最後感嘆雙方關係「拖得太耐」，認為分開或維持朋友關係是最好的結果。
黃家俊捲土重來追女神
Matthew捲土重來，今季五位女神均抱觀望態度，俞可程斬釘截鐵：「點解今季再嚟參加？」陳若思亦對Matthew甚有保留：「其實唔知佢想點，點解佢仲要參加第二季呢？佢想曝光定點呢？」反而郭珮文則指她是Matthew及關嘉敏「CP粉」，故不會拆散二人。
不過真正五位女神及花生團極大反應的，是Matthew透露今季「想揀番個唔係真係咁大情大性」的人，令花生團極不滿，鄧凱文說：「佢唔可以咁」，劉倬昕直斥對方「唔係尊重」」，鄧依婷反而覺得大情大性都是一個優點。」Matthew的言論有暗寸關嘉敏唔夠溫柔之言，即時成為城中熱話，不少網友力斥他不夠專一、太多心，短短時間已經登上熱搜榜！
黃家俊年薪逾200萬 擁有多部名車
黃家俊背景猛料，家中經營裝修及冷氣工程等家族生意，他在2011年取得澳洲墨爾本蒙納士大學（Monash University）商學士學位，主修會計、銀行及金融。 畢業後他加入德勤關黃陳方會計師行，任職核數師，於2013年12月轉職至羅兵咸永道會計師事務所，之後亦轉職其他金融公司，及至2019年轉投豐盛融資有限公司旗下，現時擔任「Team Head – Investment Banking」一職，有指他年薪逾200萬。單計IG上曾出現的，就已經有8架DUCATI名車和一輛現價約200萬的黑色Lamborghini Gallardo。除了本身是投資公司的管理層外，黃家俊亦擁有幕前經驗，早年以模特兒身份出道，曾參與紅隧廣告拍攝，並為多個品牌擔任平面模特兒。
