發佈時間：17:44 2026-03-19
「寰亞之夜」前晚（17日）於中環舉行，寰亞傳媒集團老闆林建岳博士與行政總裁林孝賢親臨主持，林博士千金林心兒、大岳娛樂柯上閔、劉偉強導演、香港演藝人協會主席兼天下一電影製作公司老闆古天樂、著名動作指導錢嘉樂、演員伍允龍、朱鑑然、Brian@廿四味、鄧麗欣、許恩怡、林熙彤和坂部佩莎等齊齊現身，場面星光熠熠，熱鬧非常。
寰亞劇集《重案解密》即將開播
當晚焦點之一，落在即將開播的寰亞劇集《重案解密》身上。該劇監製梁家樹與導演蔡晶盛率領一眾演員包括岑麗香、朱晨麗、陳嘉寶（Anjaylia）、何嘉莉（Lillian）、譚旻萱（Mandy）、洪永城、林子善和陳少邦等齊亮相，陣容強勁。新劇改編自香港過去15年間多宗轟動一時的真實奇案，並以單元形式呈現，由苗僑偉與岑麗香貫穿所有故事線。
岑麗香挑戰「唔係人講」對白
岑麗香在劇中飾演貫穿全局的關鍵人物嚴灼瑩，見證忠奸善惡。她透露對白極度艱深：「我睇到劇本時心諗：『呢啲係咪人講㗎？』有一句對白好難，我問咗一位現實生活做緊呢個職業嘅人，佢初頭睇到都話『咁複雜嘅？』但佢講一次之後就話『係，真係咁講㗎喎！』」
延伸內容：岑麗香女神歸位 激讚老公係「神隊友」因為囝囝拒拍親熱戲
林子善感激佘詩曼梁靖琪引薦
為此她每日苦練，林子善更爆料指香香劇本被記號畫得五顏六色，一邊背稿還要一邊與兩個囝囝視訊，相當勤力。香香笑說：「我係佢哋『做功課』好榜樣。」林子善則感激監製梁家樹、「家姐」佘詩曼與梁靖琪（Toby）引薦參演，並透露劇中與三哥有緊張的家庭紛爭，令人期待。
延伸內容：林子善42歲生日！蛋糕只寫4字力證孝順仔
洪永城演反派直言「喪盡天良」
劇中飾演反派的洪永城，直言角色「喪盡天良」：「我係一個做咗好多壞事嘅人，當然自己做嘅時候覺得好有型，但其實全部係唔正確嘅事。最終都要俾三哥（苗僑偉）同香香『搞掂』我！」而朱晨麗的角色亦將呈現巨大反差，她透露角色「瑤瑤」本是善良母親，經歷巨變後性情大變，連自己也被嚇倒：「最大挑戰係連我自己都忍唔住話：『嘩，有冇咁恐怖？咁變態？』」朱朱感謝導演與攝影師以燈光營造出詭異氛圍。
延伸內容：洪永城湊女湊到冇氣抖 車尾箱變垃圾堆
陳嘉寶睇劇本被嚇呆唔敢熄燈瞓
陳嘉寶則為劇集犧牲長髮：「上年嚟呢個Party仲係好長頭髮，知道接咗呢個劇就剪到好短好短，到𠵱家仲keep住劇中造型。」她透露劇中貫穿不同單元，其中在外地拍攝的經歷最難忘：「睇劇本已經覺得有啲故事真係好恐怖，之後仲要去外地取景，喺酒店住咗差唔多兩個月。夜晚喺酒店房睇劇本，我要屋企人或者朋友開視訊陪住我，就算唔講嘢唔郁都得，有時睇完劇本都唔敢熄燈瞓。」
同劇的何嘉莉亦指自己演出的都市傳說單元相當恐怖，事前做了大量資料蒐集，務求原汁原味呈現觀眾眼前。
延伸內容：陳嘉寶新短髮look亮眼 「男仔頭」令女兒難以接受：可否兩日變番長？
譚旻萱首拍劇稱節奏快到就窒息
至於首次拍劇的譚旻萱，坦言節奏快得令她喘不過氣來：「拍電影同拍電視劇嘅節奏好唔同，第一次埋位感覺好似就嚟窒息。拍電影有時可以慢慢分析下一場點拍，但拍電視劇就一場接一場，節奏好大分別。」她慶幸劇組氣氛融洽，每個人都非常友善，令她獲益良多。
延伸內容：《不是你不愛你》| 陳昊森 譚旻萱埋位前扮輕鬆 激吻8次收貨
《東周網》訪談系列節目《星桄伴我心》3月重磅嘉賓：
即睇：「葵芳」蔡蕙琪爆拍《夜王》｜要剔「親密程度」點心紙｜與謝安琪秘密淵源｜感動黃子華搭膊頭鼓勵
立即追蹤《東周刊》全新WhatsApp頻道，緊貼全城熱話、突發猛料、獨家消息！
