更新時間：16:28 2026-03-19
發佈時間：16:28 2026-03-19
發佈時間：16:28 2026-03-19
六合彩頭獎人人都想中，但中頭獎唔係話想就有，都好講運氣！著名玄學家吳佩孚近日就在社交平台大曬戰績，他分別在2月11日同3月15日都中六合彩三獎，加埋都有收近14萬元彩金，戰績彪炳，令東姑都心郁郁，好想中返次。
吳佩孚師傅連中兩次三獎
吳佩孚師傅日前喺社交網站分享連續兩個月中三獎的彩票的威水戰績，並留言：「好人好事之我又中六合彩啦，今次三奬有五萬七，雖然唔係八千萬，但係都算上天給予的一份幸運，可能我仲要繼續努力，做好風水命相去幫人，期待下次頭奬的降臨！」吳師傅對中六合彩好似有心得，東姑就九秒九打個電話向佢取經。
吳佩孚師傅分享「中六合彩秘法」
對於連中兩次三獎，吳佩孚師傅就話：「喺我哋嘅玄學嘅角度，中六合彩或任何橫財都係要有運氣，而要提升自己嘅運氣，首先就係要掌握到自己嘅所屬『吉時』，例如命格陽氣較重，就要喺較陰的時間去買六合彩，命格較陰，就喺陽氣旺盛的時間去買，所以對的時間好重要。」吳佩孚師傅又強調除了時間上，在哪個位置買六合彩都是一個關鍵，雖然坊間有指在投注站購買彩票中獎機會比網上投注更大，但他每次中獎都是在家中購買，而中獎的關鍵所在是要在「財位」購買。吳佩孚師傅續說：「你可以喺自己所屬的財位，或今年『八白佐輔星』坐落的位置即「正東方」或『九紫喜慶星』坐落的「東南方」位置去買六合彩，配合埋吉時去購買六合彩，中獎的機會率就會大增！」
最Hit
