發佈時間：16:10 2026-02-20
陳凱詠（Jace）一連兩場紅館演唱會《JACE WORLD》於年初三（19日）晚圓滿落幕，完騷後受訪坦言對演出「未夠喉」，更即場許願：「希望唔使等太耐可以再開！」提到兩場入座率，她承認年初二（18日）首場確實差少少，但未因此而氣餒：「一開始知道係新年期，只係開心紅館終於有期；銷情唔理想有好多因素。」被問到下次可會避開「赤口」開騷？她笑言：「其實冇話避唔避，今次學到好多，做咗老闆要明智啲，下次再搞就會識。」
首派利是拒透露金額怕失禮
對於粉絲被指「得把口支持」，Jace笑稱不敢奢望號召力：「等陣人哋又話我大想頭，以為自己得（坐滿紅館）...經過今次要更謹慎，沉澱吓點部署。」她透露工作已排滿，無暇放假，並表示首次派利是不敢透露金額：「講出嚟都覺得失禮！」至於演唱會能否賺錢，她表示商業世界太多變數：「我唔理住啦，有待學習。」她續稱製作上本來想簡單一點，但最後都堅持做到最好，並笑言下次開騷歡迎各方贊助！
林家謙送上揮春Jace當場爆喊
尾場嘉賓陣容感驚喜，林家謙送上揮春「你太努力」，解釋取自Jace歌詞「我最怕你太努力」：「你用咗比人幾倍努力先走到紅館，要為自己驕傲。」這番話令Jace當場爆喊：「佢由Mean變Sweet，真係估唔到！」她又感激影后鍾雪瑩撐場Rap《Sigue Haciendo時機已到》，笑指邀請對方要鼓起勇氣：「我哋大學識到𠵱家，佢成為影后，我又上紅館。佢好難叫得郁，多謝佢！」對於呂爵安（Edan）曾投訴鍾雪不唱其填詞的作品，Jace笑言：「我勁過Edan撬得開佢把口！」
台上疑似跌倒稱是舞步一部分
談及兩晚觀眾反應，Jace直言尾場更緊張：「唔知點解今日緊張啲，可能知係最後一場，唔想辜負入場嘅朋友。」她形容初二情緒混亂，本以為能冷靜，最終仍忍不住落淚。被問到台上疑似跌倒，她笑稱是舞步一部分：「呢隻舞種要令人驚心動魄！」總結經驗，她感慨「配合」最難：「我係大想頭嘅人，好多嘢想做足啲，好彩團隊願意溝通試新嘢。」雖然入座率有落差，但她仍感恩：「台前幕後咁支持，我又做到個騷，好開心！」
延伸內容：林家謙個唱│Jace陳凱詠現身第2場 自爆係「急召嘉賓」補回3年前遺憾
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
即睇：黃凱芹大逼供｜有冇同過周慧敏拍過拖？｜有冇秘密生仔做爸爸？｜有冇內疚心事對亡父說？
即睇：馬德鐘眼濕濕憶亡母：我好痛！ | 難忘當差亡命飛車追賊 | 肉搏朱茵真相 婚姻傳曾亮紅燈
立即追蹤《東周刊》全新WhatsApp頻道，緊貼全城熱話、突發猛料、獨家消息！
