發佈時間：14:41 2025-08-21
林家謙（Terence）一連10場紅館演唱會《White Summer》於8月19日開鑼，個唱第二晚（20日）繼續星光熠熠，方皓玟、雲浩影、雷同二友、蔡一智、Serrini、湯令山（Gareth.T）、俞琤等好友現身觀眾席支持，個個睇完都拍爛手掌。第二晚林家謙邀請了陳凱詠Jace當嘉賓，上次Summer Blues Ja因為檔期配合不上，Jace 只拍了視頻對唱，今次終於可以真人現身，令歌迷開心到飛起，台上的禮物盒打開，Jace驚喜登場時，觀眾歡呼大叫喝啋聲響震天，差點把她的歌聲也壓下去。
Jace 自爆被「臨時急召」內幕
林家謙和陳凱詠Jace兩人先是對唱「四月物語」，繼而再合唱「 隔離」。Jace 幽默對話揭露被「臨時急召」內幕，當場「引發大形算帳現場」，引發全場爆笑。
Jace一出場即「投訴」：「好驚呀！第一次做你嘉賓，可唔可以咁講，但邊個臨時急，得一個禮拜通知我做嘉賓？一個禮拜通知都冇！搞到我鬼死咁緊張」林家謙聞言笑指責任不在自己：「哈哈....問Alex（演唱會監製）啦，呢單嘢唔係我跟開！」Jace即刻反擊：「下，你射走（卸責）？」家謙搞笑回應：「係咪想摑我兩巴？」互動盡顯好友默契。
Jace繼續「翻舊帳」：「你成日搵得我好急㗎！四月物語嗰啲，都係突然間....！」家謙即感謝：「係喎，要多謝你做我四月物語MV主角，搞到view數高咗！」Jace隨即提出合作邀約：「你有冇睇我新歌 MV ，我下隻歌好斯文下，你幫返我手做主角啦！家謙做主角我多啲人睇，大家係咪呀？」家謙卻自嘲演技又反笑jace 識玩：「你對我係咪有咩誤會？我指演技方面啊……哈哈....唔應該搵我做戲！依家啲人上紅館，都係用群眾壓力叫人幫手，識玩呀你. 」Jace隨即宣布，「我識呀，我都準備...準備開紅館！」隨即引發台下歡呼聲。
延伸內容 : 林家謙首場個唱大騷舞技又感觸落淚 鄭秀文任嘉賓送熨衫板作回禮
延伸內容：林家謙宣布8月開騷「紅館見」 最早6.17優先訂票 7.2公開發售
延伸內容：金像獎2025丨林家謙現身《破·地獄》慶功宴 孖楊受成博士接受訪問 互爆內幕
延伸內容：《破·地獄》 | 林家謙唱主題曲 感動到包你聽到眼濕濕
