發佈時間：15:28 2026-01-17
王梓軒自編自演的英語微短劇《選美兄弟班》（Rags 2 Richmond）於2024年底以網劇形式登場，上線首月獲逾900萬點擊，反應甚佳，更一度掀起追劇潮，隨即簽約數碼內容公司Viral Nation開發電視電影版權相關項目。王梓軒、石祐珊及導演Simon Yin3位主創團隊，把短劇延伸製作成電影版，更邀得曾志偉，薛家燕加盟。日前電影拍攝工作順利完成，首次擔任電影製作人的王梓軒坦言：「真係差啲壓力爆煲！」
王梓軒創作過程籌備足足5年
音樂喜劇《選美兄弟班》講述一班來自不同背景懷有音樂夢想的年輕人，誤打誤撞參加「加拿大史上首屆男子選美比賽」；在友情、音樂與混亂中拼搏逆襲，笑位與熱血齊飛，娛樂性十足。
王梓軒表示由劇本、微短劇到搬上大銀幕，整個過程籌備足足5年：「因為係音樂劇，除咗度劇本亦要兼顧音樂創作，冇壓力就假嘅。每日拍嘢都係瞓得3、4個鐘，雖然係有啲辛苦，但係好感恩有一個好好的團隊。」
他指《選美兄弟班》短劇版的主題曲《Low Key》亦成為人氣單曲，帶他走上韓國MBC《Show! Music Core》電視的舞台，亦獲邀於Imagineland Seoul音樂節演出！早前微短劇更奪得溫哥華亞洲電影節（VAFF） 「Ovasian Impact Award 最具影響力獎項」，為整個團隊打下一支強心針。
曾志偉加國拍攝只停留72小時
向來工作非常繁忙的曾志偉，這次加盟是因為王梓軒的誠意打動而參演《選美兄弟班》電影版，他更特意遠赴加拿大開工，卻只能在當地停留72小時！為抓緊時間，連Jet Lag都未過就立即埋位，相當專業，期間又到溫哥華商場取景，吸引大批影迷及途人拍照。
曾志偉坦言：「好開心見到《選美兄弟班》喺網絡上成績咁好，又攞埋獎，今次有份參與電影版，仲可以同家燕姐一齊拍，好開心。我好享受拍電影，雖然今次唔係第一次拍西片，但係外國劇組有工會制度，就算今次我只係留72個鐘，都照顧得我好好，有足夠時間休息。」他指香港拍電影以效率見稱，不同地方有不同文化：「其實係各有優點，作為演員，我兩邊都好享受。」
據悉，這次的電影拍攝工作，更是曾志偉卸下「總經理」身份後首個「新工作」，無論台前幕後亦喜迎這位大人物到場，趁拍攝空檔都紛紛把握機會與曾志偉交流、合照。
王梓軒首任電影製作人壓力爆燈
難得有大前輩坐陣，首次擔任電影製作人的王梓軒坦言壓力爆燈：「真係要特別多謝志偉哥同家燕姐，喺百忙中抽空飛嚟加拿大拍攝，佢哋啲期好難度㗎！我哋當然唔敢怠慢，事前已經傾好晒點做，因為志偉哥只有兩日一夜嘅拍攝時間，我哋都唔想錯過每分每秒，不過佢一Roll機就即刻進入狀態，非常專業，睇到我哋個個工作人員都拍晒手！」他笑指現場工作人員都打醒十二分精神：「佢哋知道係志偉哥，即刻話係『China's Jack Nicholson』（積尼高遜），個個都知西片版《無間道》嗰個『大佬』啦！」
《選美兄弟班》電影版，除了有曾志偉、薛家燕及王梓軒的演出，亦邀得Netflix劇集《冒牌帝國》（Fakes）的女主角Jennifer Tong、荷里活演員Shannon Kook及新生代演員、鍾麗緹女兒嚴書琴（Yasmine Ross）參與演出。拍攝工作日前已於加拿大順利完成，現時正密鑼緊鼓進行後期製作。
延伸內容：王梓軒網劇《選美兄弟班》熱爆 獲邀出席韓國殿堂級音樂直播節目
延伸內容：薛家燕首演英語迷你網劇《選美兄弟班》王梓軒度身訂做雙面人角色 12月6日全球同步上架
延伸內容：撇甩緋聞女友珊珊 王梓軒馬交鬆一鬆
《東周網》訪談系列節目《星桄伴我心》1月重磅嘉賓：
即睇：龔慈恩激罕剖白2次離婚傷痕：「我冇恨之入骨！」│25歲女兒林愷鈴閨房私密│點評佘詩曼、黃宗澤、王敏奕
即睇：羅泳嫻因舊愛吳啟華遭攻擊│德國前夫被色誘情刧│女鬼闖入屋求助
立即追蹤《東周刊》全新WhatsApp頻道，緊貼全城熱話、突發猛料、獨家消息！
