發佈時間：15:26 2024-12-03
薛家燕首個共30集的英語迷你網劇《選美兄弟班》（RAGS 2 RICHMOND），首10集將於12月6日在各大社交平台全球上架！劇集主創團隊有王梓軒、石祐珊和導演Simon Yin，劇情以溫哥華舉辦的第一屆男子選美比賽為背景，描寫關於友誼、野心與娛圈秘聞的故事。今次薛家燕除了挑戰「雙面人」角色，更首次以英語對白拍攝，加上劇組對她照顧有加，雖然現於溫哥華拍攝有少少凍，但她卻覺得很溫暖，拍得好開心！
延伸內容：家燕姐自爆冇記性嗌錯仔女名
延伸內容：薛家燕示範「有有舞」選出心水舞王舞后 預告龍年全年無休
延伸內容：撇甩緋聞女友珊珊 王梓軒馬交鬆一鬆
薛家燕挑戰雙面人角色
今次薛家燕在劇中會放下一貫慈母角色和搞笑形象，並挑戰雙面人角色，身兼主創人及主演的王梓軒解釋：「請得家燕姐嚟，我哋唔想浪費咗佢嘅演技，如果再要佢演『慈姑』、『好姨』呢啲角色，可能佢都會覺得悶，所以我哋諗咗個人前好開心、好歡樂，但係面對啲黑幫大佬又會變得好強硬嘅角色畀佢。」薛家燕笑指角色有型，她笑言：「我覺得幾好，梓軒想我嘅演繹同平時唔同，對我嚟講係幾特別嘅角色，我好開心。」
首次以英語對白拍攝
除了演技上的挑戰，這次更是薛家燕首次以英語對白拍攝，她續說：「好彩有梓軒提我，要邊演邊記住啲英文對白，都幾好玩。初初我以為網劇簡單啲、輕鬆啲，但係佢哋拍到好似電影咁，好嚴謹，我都學到好多嘢。」薛家燕指劇組台前幕後都對她照顧有加，整個拍攝過程很順利。
她笑說：「佢哋會有人同我講『Nancy, five minutes will be your turn.』5分鐘後真係拍得，完全唔會浪費你啲時間，真係好好！雖然𠵱家溫哥華啲天氣凍咗少少，但係我覺得佢哋好溫暖，因為佢哋個個都好Nice。同埋我自己都好耐冇嚟溫哥華，今次見番好多朋友，難得可以聚吓舊！咁啱呢邊又重播《皆大歡喜》，個個都好熱情，喺街叫我『慈姑』，我都有返咗屋企嘅感覺。」她笑指雖然剛抵達溫哥華兩日，便立即要開始試造型、背對白為新劇做準備。
鍾麗緹女兒有份演出
全新英語迷你劇《選美兄弟班》由曾在電影《閃電俠》飾演「原子俠」的演員兼製作人周逸之（Osric Chau）創作，而Patrick Do、Aaron Sprecher和Simon Yin就擔任編劇，並由電影《尋根女團》（Joy Ride）的排舞師Joe Tuliao編舞。劇集內的歌曲，首次由新加坡唱片製作人和詞曲作者Tat Tong與王梓軒共同創作和製作。
演員名單包括：王梓軒、鍾麗緹女兒嚴書琴（Yasmine）、曾參與美劇Power Rangers 的Peter Sudarso（張遙霹）、憑劇集Shōgun《幕府將軍》贏得最佳動作特技的Darren E Scott、於Tik Tok有過百萬追蹤人數的加拿大第一代華人YouTuber Davin Tong，以及多位參選今屆溫哥華華裔小姐的佳麗，亦將於劇中驚喜現身。
王梓軒新劇創作靈感
全劇共30集，分3星期上架。故事講述由王梓軒飾演的潦倒R&B唱作歌手Nathan Song與好友Lando Wu，期待用兩人獨有的ChiDM，創作新歌《Low Key》，以改變音樂界。剛好當地名譽掃地的傳媒大亨，正舉辦的男女混合選美大賽開始。提到新劇的創作靈感，王梓軒說：「世界各地都有好多華裔小姐競選，但係溫哥華係『華姐之都』，如廖碧兒、鍾嘉欣、李亞男、岑麗香等都係喺溫哥華選完美，再返香港選國際華裔小姐。呢個地方就好似一個跳板咁，讓好多有夢想嘅人成功追夢。」他又謂看中近年迷你劇於全球需求大增，期望《選美兄弟班》能夠引起世界各地網民的共鳴。
《東周網》訪談系列節目《星桄伴我心》11月重磅嘉賓：
即睇：黎諾懿夫婦互爆閨房樂事 慶結婚10周年 | 星桄伴我心
即睇：林保怡失落《金雞獎》影帝 送花冧李珊珊 激罕親揭秘密關係 | 星桄伴我心
即睇：星桄伴我心 | 周吉佩牀前唱歌送別：「爸爸聽到眼角滴淚，先至斷氣！」
即睇：星桄伴我心 | 梁敏巧哭訴阿媽爛賭輸層樓 悲慘身世揭秘
