發佈時間：14:40 2026-03-04
周永恆（Roy）早前被前女團MVG成員周曉彤（Ivy）突然在社交網轉發他的攬女相，又爆seed鬧爆他是「世紀賤男」兼大話精，Ivy還向《東周刊》哭訴，近5個月來，備受周永恆纏擾，更離譜到赤裸上身在她的屋企門口發癲，搞到她極度驚慌！面對指控，周永恆今日（4日）在社交平台發長文回應，更上載疑似兩人短訊內容，並指有4點希望大家能夠辨別清楚，有人是求愛不遂、因愛成恨而作出報復。
延伸內容：周永恆赤裸上門發癲 前女團成員周曉彤Ivy哭訴慘遭纏擾
周永恆回應（全文）：
「由於近日嘅報道過份發酵，當中有太多不實嘅事情，本人希望澄清一下，當日本人在港鐵車廂內擁抱傳媒所講的妙齡少女，實情為我個仔嘅媽咪，當時我正在痛哭正在被安慰，中國人百行以孝為先，當日我爸爸離開咗個世界去咗天堂，就算我哋嘅婚姻狀態點都好呢一世都係屋企人，係個仔嘅父母 請問有錯嗎？網絡欺凌同不實嘅報道已經唔係第一次，由於過度氾濫嘅網絡不實資訊已經影響到小朋友嘅正常生活。呢一次我唔能夠再啞忍，所以有幾點我想澄清一下：
1：上年6月14號已經同太太正式分居，兒子交由太太照顧。期間兒子放假亦間中有見面。
2：我同周小姐，相識多年於上年9月12號被問候之時，之後一個星期左右開始情侶關係，期間每月提供不限於一萬元左右金錢援助用作租金及水電費。嗰段時間我同太太已經成為咗親人同埋朋友亦都有知會。
3：本人從來沒有於報導所及的滋擾，實情為由於多次性格不合及價值觀大不同被分手，被阻止約見兒子及提供贍養費。東西被多次掉到門外，本曾經亦試過報警求助取回東西。
4：周小姐提出分手後多次要求復合不果，並在得知家父過身後提出陪伴，見附件截圖：
以上4點希望大家能夠辨別清楚有人求愛不遂因愛成恨而作出報復。
嘗試問一下到底乜嘢係愛？乜嘢係恨？我已經死老豆，點解大家唔可以留一線？點解要破壞曾經嘅美好？我已經好努力咁重新做人，每日返工十多個鐘做運輸，想過返啲正常人有嘅生活，我只係一個好鍾意音樂嘅運輸工人，希望可以賺啲錢畀贍養費個仔同埋前妻點解唔畀條生路我？ 網絡欺凌已經唔係第一日嘅事我可以承受到，但係唔係個個人承受到， 我曾經做錯過已經好努力咁改， 我冇一腳踏兩船，我冇再犯法畀警察拉，腦部手術之後知道自己有後遺症情緒問題已經睇緊醫生食緊藥，可唔可以畀條生路大家行？唔好再騷擾我身邊嘅人，我頂得住，佢哋頂唔住，以後唔拍拖唔緊要，冇女人都唔緊要，我淨係想好好工作，養育個仔照顧媽咪，可以嗎？」
網民反應兩極
對於周永恆的回應，網民反應兩極。有網民力撐：「永遠支持周永恆」；「你嘅才華萬萬不可以就這樣埋没了！重新出發！」及「加油 每個人都值得有改過既機會」。有網民則認為是周永恆一手做成：「好多嘢都係你自己做成，真係連累晒所有人，點解改極都有咁多麻煩嘢出現嘅呢！」
延伸內容：周永恆天水圍疑因「做一件事」斷正 被捕時激動嗌救命｜有片
延伸內容：「賤男天花板」周永恆偷食女助手 向前妻發出「死亡短訊」
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
即睇：黃凱芹大逼供｜有冇同過周慧敏拍過拖？｜有冇秘密生仔做爸爸？｜有冇內疚心事對亡父說？
即睇：馬德鐘眼濕濕憶亡母：我好痛！ | 難忘當差亡命飛車追賊 | 肉搏朱茵真相 婚姻傳曾亮紅燈
即睇：劉威煌賣珍珠奶茶做到買數銀紙機︱ 愛犬訣別彩虹橋鼻酸感人故事︱ 罕談娛圈最難受歲月：我放棄過！
立即追蹤《東周刊》全新WhatsApp頻道，緊貼全城熱話、突發猛料、獨家消息！
