發佈時間：19:15 2025-09-15
《女神配對計劃》昨晚（14日）播出大結局，5位女神葉蒨文（Sophie）、梁敏巧（Maggie）、羅毓儀（Yuki）、關嘉敏（Carman）和李芷晴（Stephanie）中，Sophie、Maggie和Yuki最終配對成功；而Carman雖有兩位求愛勇者姜卓文（細John）及黃家俊（Matthew），但一直心繫細John的Carman，最終因為對方未Ready拍拖而選擇單身。節目播畢後，女神紛紛在社交平台留言分享感受，配對成功的女神獲大批網民恭賀和祝福；雖然Carman最終未能成功，但仍獲網民支持，並希望她未來能接受Matthew，更鼓勵Matthew要繼續加油，不要放棄！
葉蒨文、梁敏巧、羅毓儀和關嘉敏於大結果播出後，紛紛在社交平台留言分享感受，只有李芷晴暫未有更新社交平台，未知是否仍未能平伏心情？4位女神的留言真情剖白，令人觸動，而全文如下：
1 葉蒨文（Sophie）與曾展望（GM）
曾展望：「多謝你係我最低谷無條件相信我，支持我呢個屁孩，你係我想自己長大既原因，因為我想你以後可以做小女孩既角色，我會繼續努力，努力到你唔洗努力。」
葉蒨文：「多謝女神配對計劃，令迷失既我揾翻自己同埋，自己想珍惜既人，最後多謝你地咁多位咁支持我地🧡」
網民：「GM, 見到你向Sophie講三次“我愛你”時，嗰種專注同誠意，再來一個情深一吻❤️❤️💕💕，相當感動😍😍，彷似一對新人閃爆全埸，實在太震撼！！😭畢竟大家陪伴你們走上幸福之路，係並唔容易，祝GS幸福快樂🥰👏🎉」、「羨慕。感動。喊住恭喜你!😍你倆個都加油!⛽️」、「因為你哋，可以相信愛情，好感動。」
延伸內容：女神配對計劃 配對成功 │曾展望「霸總式」咀嘴成熱搜 網友狂loop 4大浪漫位
延伸內容：女神配對計劃｜3位女神同求愛者配對成功 曾展望啜爆葉蒨文
2 梁敏巧（Maggie）與劉啟進（Matt）
梁敏巧：「多謝大家一路以嚟嘅衷心祝福，收到你哋有溫度嘅文字，我覺得好窩心好幸運，再次多謝台前幕後所有人。好有幸可以參加呢個節目，好有幸擁有一個永世難忘嘅夏天，好有幸認識到你@mattlauu，多謝你一路以嚟嘅真誠用行動了解我。」
「係呀，我哋認真了解中，我覺得一段關係係雙向，唔係一方話晒事，7秒咁耐？第一情緒未平復，Yuki同Step嗰度我真係喊到痴咗線；第二係我問題嚟我有掙扎究竟跨唔跨出呢一步？最後就係我決定跟隨自己心......」
「唔好意思呀！要你等7秒咁耐，不過你唔會嬲嘅係咪😛？」
Matt：「呢七秒真係有啲長，令我一度懷疑人生🫠不過，我都想係呢度同Maggie講一聲多謝。係因為你撳燈，我哋嘅緣份先至會開始。係因為你係三角枱之後出嚟同我傾偈，我先能夠認識鏡頭後嘅你。
係因為你願意慢慢打開心扉，我先有機會了解真實嘅你。係因為你比好多機會我去表現，我哋先會收到咁多祝福，先會有M&M呢個咁甜嘅CP名。
雖然我哋配對嘅結果係希望喺節目外繼續了解，而唔係即刻一齊，但係反而係我哋心靈相通嘅點，先至會配對成功。借Yuki首歌一句歌詞「未來即使一切渺茫，在今天起好好的灌溉」，期待經過灌溉後的我們。
網民：「睇見你哋都覺得sweet，好登對❤️要幸福呀💕💕」、「慢慢了解大家多啲，了解晒大家所有野先開始發展會更加好，祝福你們😍」
延伸內容：女神配對計劃 ｜梁敏巧同暖男律師 Matt 眾望所歸 配對成功
3 羅艈儀（Yuki）與林俊其（Kris）
羅艈儀：「呢個名為《女神配對計劃》嘅人生之旅終於告一段落，喺度祝福咁多位女神同男神，無論配對成功與否，都希望大家可以幸福快樂、開開心心！我哋喺呢段時間同所有人建立嘅感情、愛情同埋友情確實存在，就算節目結束之後都唔會結束。」
「Kris林俊其，多謝你呢段時間所做嘅所有嘢，好感恩可以喺呢個節目遇見你。多謝你嘅勇氣，多謝你嘅陪伴，多謝你嘅體貼，多謝你嘅呆萌，多謝你如同月亮一樣温柔又耀眼嘅笑容。嚟緊希望繼續同你延續愛麗絲夢遊仙境嘅呢個夢，繼續經歷人生唔同嘅事，繼續多多指教！💜💜💜よろしくお願いします」
Kris：🌹「終於等到你，還好我沒放棄」☀️🌙
「6個月的《女神配對計劃》像一場奇妙的旅程，今天終於迎來了最美好的結局。真的真的想對所有人說一聲：謝謝！ 你們的歡樂你們的淚水也是這段路程最寶貴的地方。」
「當初我好可能黐咗線，從初遇的緊張到每一次互動的期待，從互相瞭解到逐漸靠近，每一步都充滿了驚喜與感動。還記得最初那個略帶忐忑的自己，也許是緣份的引領，如今卻只想感謝這份勇氣，讓我沒有錯過如此美好的你。」
「曾經是一個經常把自己的情感收藏於心裏，令到你或大家都猜不透，我是怎樣？謝謝你沒放棄，也令我慢慢改變善於表達自己，你溫柔的光，用你陽光的笑容、照亮了我，那個喜歡自己躲藏起來，不喜歡笑的我已經不在存在。那天的你很美，很幸運能和你一起寫下這個故事的結局，但更開心的是，我們的故事才剛剛開始💜잘부탁합니다」
網民：「真係好癲好HIGH😍😍 終於等到呢一個畫面❤️ 真係好sweet啊你哋❤️ 希望你哋可以一齊做對方支膀守護對方🪽 超爱嘅CP😘😘」、「有情人終成夫婦可喜可賀👏🎉」
延伸內容：女神配對計劃｜羅毓儀、林俊其配對成功 女神心急答應 上演怕醜式錫面豬
4 關嘉敏（Carman）與黃家俊（Matthew）
關嘉敏：「終於都播咗個大結局，好感恩，可以參與呢個戀綜。雖然最後配對唔成功，但係我認為呢個係最好嘅結局。拍攝嘅時間唔多，相處了解既時間亦都唔長，對我黎講，如果未真正了解就一齊，個結局可能會仲差，所以，希望你地支持我既選擇🫶🏻」
「雖然結束，但係而家先係開始。鏡頭下嘅我哋，會相處成點呢？Hehehehehhehehe，我好感激我兩位求愛勇者選左我，我地三人組合唔知點解有啲夾同搞笑🤣成件事係錯錯哋，不過我最鍾意咁奇怪特別，變咗非一般同深刻嘅戀愛綜藝。」
「最後莫監製話，橫掂你配對唔成功，叫我參加下一季......」
Matthew：「由一開始海選到最後我都係揀你，我亦都冇一刻後悔過，到最後，雖然很遺憾沒有跟Carman開花結果，我唔係好感性嘅人而我都唔記得上次係幾時喊過，但係我會永遠記得呢一日。我同佢係有非常獨特嘅Chemistry，希望我哋一直保留如此特別的關係。佢係一個好優秀嘅女仔，真誠可愛，又搞笑，雖然有啲KAM，係我遇過的數一數二的好女仔，希望將來她也可以遇到真命天子，又或者未來嘅日子 她會重新考慮回頭選擇返我?? 因為我覺得佢係一個值得被愛，值得幸福嘅女仔。」
「雖然呢個節目已經結束咗，唔代表我同Carman畫上句號，可能而家先係一個重新兩個人嘅開始。呢個節目令我上咗人生很重要嘅一課，無論係佢，或者我面對的下一段關係感情我都學會了很多希望我下一段感情來臨之前，我會繼續做好自己不斷進步不斷成長，希望未來日子𥚃能呈現最好的自己給我未來的另一半。」
網民：「Matthew 你真好好好🥹希望Carman 最後都會選擇返你。」、「剛剛見你哋原來私下仲發展緊 好開心 Matthew 加油呀！努力追Carman 返嚟 CM 係最合襯。」
延伸內容：女神配對計劃｜細John未Ready拍拖 關嘉敏寧願選擇單身
《東周網》訪談系列節目《星桄伴我心》9月重磅嘉賓：
即睇：羅毓儀淚眼訴說4段情 冧數林俊其出「七連招」追求 甜蜜剖白：我想出年結婚！
