發佈時間：10:00 2025-09-11
在戀愛真人騷《女神配對計劃》中，葉蒨文（Sophie）與曾展望（GM）這一對一早被看好；不過，有好多網民卻表示，這樣確實難為了另一「求愛勇者」林堡熙（Eddie）。因為Eddie一開始就被人設成一位不可一世的富二代；然而，到節目的中段，大家都稱讚他是一位「暖男」。Eddie也坦言：「我唔想俾人標籤我係一個富二代，因為我真係唔係靠屋企，而大家覺得我好似完全唔投入個節目，其實我只係靜觀其變，呢個係真人騷，唔係拍緊一套劇集，扮演一個角色，我只係做番自己。」
Eddie又透露，參加競爭「女神」後，才發現Sophie與GM早已在劇集中飾演情侶，並且有一定的感情基礎，所以他曾經向節目監製表示，希望能夠早些退出節目。身為專業閃避球運動員的Eddie，最叻當然是「閃避」，但他最後基於體育精神，還是決定留下繼續與GM鍊過！
延伸內容 : 女神配對計劃｜葉蒨文被林堡熙遊日片感動到喊 曾展望呆等自嘲慘變「望妻石」 呼冤GM今晚出招反擊
年薪12萬「揸Benz」成熱話
《女神配對計劃》的「求愛勇者」林堡熙（Eddie），一登場便話題不絕。皆因以追求「女神」葉蒨文（Sophie）為目標的他，第一集被林盛斌（Bob）問到報稱12萬元年薪，平時是用甚麼代步？Eddie毫不掩飾地直說「揸Benz」，馬上被森美推測是「富二代」，隨即引起網民熱議。
性格比較自我的Eddie，淡然回應：「其實，我真係唔係富二代，架車係屋企人嘅，我只係間中攞嚟用，我平時都係逼巴士、搭地鐵，食飯都係茶餐廳，好似冰室比較貴，我都好少食，我亦唔會去夜蒲，所以唔使點樣使錢，我用得最多就係喺旅行方面。」
報細數背後另有目的
至於Eddie為何對外宣稱自己年薪只有12萬元，他坦言：「我玩咗10年閃避球，3年前成立咗閃避球嘅球會。做閃避球運動教育同推廣，事實上收入真係比較少，但係我有同朋友做其他投資，同埋有其他嘅part-time，12萬蚊只係教波嘅基本收入。」其實，Eddie報細數背後另有目的，他鬼馬的說：「我想睇吓啲女仔有乜嘢反應囉，如果12萬蚊都揀，呢啲先係真愛。」
在節目播出初期，Eddie負評如潮，譬如：有人認出他是綜藝節目的常客，曾在2021年參加ViuTV真人騷《阿女又戀嚟》，追求鍾慧冰的女兒林靜莉（Jeannie），以及他當時的表現令女方非常失望，他無奈的說：「當其時呢個女仔嘅配對唔係我去揀嘅，有好多人覺得我對佢冷漠，係因為我唔鍾意就會擺晒上塊面度，我亦都唔想因為做節目而俾假希望佢。」另外，Eddie亦曾入圍《全民造星V》，但在94強已經止步，他娓娓道來：「我的確係想入娛樂圈，因為我想用自己嘅知名度令到閃避球多人留意，亦真係因為呢啲節目，多咗人喺社交網私訊我，話想玩呢個運動，算係成功咗。」
仔細研究5位女神 被Sophie深深吸引
關於戀愛經歷，曾經拍過7次拖的Eddie，最刻骨銘心深刻是第二段感情，這是一段「姊弟戀」，女友大他4年，他憶述：「我同佢一齊咗4年，大家相處得好好，佢亦令我學識咗好多嘢，不過始終耐咗就會擦唔出火花。」
至於單身一年多的Eddie，為何會參加這個戀愛綜藝節目？他透露，因為《女神配對》節目組的人員在社交平台私訊他；跟着，他真的仔細研究過5位女神的資料，結果被Sophie深深吸引住，所以決定去馬，他說：「我參加之前有睇吓呢啲女仔嘅性格、讀書等，Sophie各方面都好似幾啱我，於是我就為咗佢參加。」
可惜，曾展望（GM）的出現，令Eddie馬上萌生退出的念頭，他不諱言：「我平時真係冇睇劇集，唔知道原來佢哋喺《愛•回家》飾演情侶，一開始我已經知道自己輸咗。當其時，我都係好直接嘅反應，原來佢哋識㗎？佢哋已經有咗感情基礎，覺得我都唔可以繼續玩落去，我都曾經有同過監製講想早啲出局，不過基於體育精神，所以繼續完成。」
被大眾指指點點 家人擔心
最後，Eddie覺得今次這個節目確實迴響很大，令他贏得人氣；然而，大眾對他的指指點點，讓家人相當擔心，這一點使他悶悶不樂：「其實人哋點樣講我，我冇乜所謂，但係我屋企人見到人哋批評我，佢哋好擔心。同埋，見到傳媒寫得我唔係咁好，令到佢哋覺得我唔應該再喺呢行發展。」今年11月便三十而立的Eddie，對自己的未來，一定識得揀嘅！
延伸內容：女神配對計劃︱曾展望直播冧稱葉蒨文係「唯一」爆女神曾為佢做一件Sweet爆事 !
延伸內容：愛回家丨葉蒨文、曾展望無啦啦去哈爾濱結婚 網民鬧爆 : 劇情九唔搭八
延伸內容：葉蒨文曾展望秘搵猛料道長作法 獨家踢爆飲符水「催情」增運勢
