發佈時間：16:59 2025-09-15
由林盛斌（Bob）擔任金牌媒人兼主持的《女神配對計劃 最後告白》於昨晚（9月14日）播出大結局。5位女神葉蒨文（Sophie）、關嘉敏（Carman）、梁敏巧（Maggie）、羅毓儀（Yuki）及李芷晴（Stephanie），與七位求愛勇者曾展望GM、林堡熙Eddie、細John（姜卓文）、黃家俊（Matthew）、劉啟進（Matt）、林俊其（Kris）及林焌堯（Jacob）進行「終極配對」之中，大結局中GM和Sophie眾望所歸，配對成功，真係恭喜！恭喜！另外，曾展望向葉蒨文施展的「霸總式」咀嘴即成熱搜，不少戀綜迷不捨節目完結，不停狂狂loop 葉蒨文（Sophie）同曾展望GM的4大浪漫位，感受這份真摰的愛。
浪漫位 1 │Sophie爆同GM一樣有過度活躍症 襯到絕！
Sophie同GM的「最後約會」中，選擇了到溜冰場，她笑言全因覺得GM有過度活躍症，並甜蜜附加了一句：「其實我都有。」事後遭二人形容為「個世界好似得番我哋兩個」的這場溜冰之約，Sophie與GM玩得非常開心，不但鬥擺「Kam甫」，由於Sophie還未太能掌握平衡及重心，數度出現險些滑倒場面，令現場尖叫聲不絕於耳，亦令GS CP出現大量「粉紅泡泡擁抱」場面；GM最後索性拖實Sophie免女神跌倒，又細心為女神整理滑下的外套仔，令Sophie笑靨如花，相當甜蜜。
浪漫位 2 │GM拍片紀念Sophie送驚喜
除了溜冰，Sophie還額外為GM準備了驚喜，就是為了留下美好回憶，Sophie在拍攝前漏夜親自剪接的「緣份Video」。片段中，Sophie將大數三個與GM的「奇妙巧合」。明顯對這份驚喜愛不釋手的GM，全程不但笑住睇，還拿出手機錄下整段片，足見他對Sophie的重視和珍惜，最後GM貫徹佻皮向Sophie說：「剪片界爭你一個交代。」再度氹得Sophie勁開心。
浪漫位 3│ Sophie擔心「姐弟戀」難發展 GM發表「認真的決心」
席間，Sophie還拉著GM進行了Deep Talk，內容除了涉及與藝人息息相關的收入問題，她還主動問及比自己細五歲的GM對這段感情是否認真：「我拍拖係以結婚為前提，我唔係想拍散拖」、「你又細我五年，我都會諗吓你係咪真係好認真。」GM聞言除斬釘截鐵表達「認真的決心」，還以「如果我唔鍾意做，真係冇人逼到我做」Sophie冧樣即時出晒嚟。
浪漫位 4│GM霸總式咀嘴 Sophie興奮大嗌
在最終的配對環節中，Sophie要二揀一，在求愛勇者GM和Eddie中揀選真命天子，GM告白時霸氣說：「想講嘅只有3隻字，唔想背住佢講。」最終Sophie三秒不到便轉身走向GM身後，她說：「我用最快速度轉向你，想話畀你聽唔使嗰10秒，多謝你參加呢個節目，你證明咗你好努力、好有誠意，之前我可能有猶豫，但我今次唔再猶豫，溜冰場係我哋節目中最後一個約會，希望以後仲有好多好多個約會，好唔好？」GM聞言笑到見牙唔見牙，笑言「梗係好啦」，又向Sophie說：「我愛你，我愛你，我愛你，做我女朋友，等我錫你，保護你。」說罷便上演霸總式咀嘴，全場嘩然不突止，Sophie更興奮大嗌！
延伸內容：女神配對計劃 │姜卓文拒愛關嘉敏有原因 更爆有退出諗法
延伸內容：女神配對計劃｜羅毓儀林俊其最後約會 唱情歌玩浪漫 估佢唔到「驚人」唱功反而......
延伸內容：女神配對計劃︱葉蒨文追求者林堡熙自爆「因為一件事」一早想退出
延伸內容：女神配對計劃 │梁敏巧同Matt四手聯彈 真情告白超感動 網友力推「接受這份愛」
延伸內容：女神配對計劃︱曾展望直播冧稱葉蒨文係「唯一」爆女神曾為佢做一件Sweet爆事 !
