發佈時間：11:00 2025-08-27
來自馬來西亞的「重炮手」沈宗賢（Sean），繼早年贏得廣州《粵唱粵好》總決賽的總冠軍和最佳演繹獎後，前年再下一城，成功打入無綫《中年好聲音2》的7強。身為髮型師的Sean，因自小熱愛唱歌，畢業後同時到酒吧展開賣唱生涯，輾轉唱了廿多年，直至中年才實現歌手夢。機會得來不易，與無綫簽約後，他不惜結束在大馬的所有生意及一切，盡地一煲來港發展。現時，Sean與母親租住西灣河的一個300多呎的一房單位，重新出發，他誓言︰「俾5年時間我。」不成功便返歸。
大屋變細屋
來自馬來西亞，今年42歲的沈宗賢（Sean），在當地酒吧唱了23年，還曾在《馬來西亞全國新秀歌唱比賽》、大馬的《麥王爭霸之粵語好聲音》及廣州的《粵唱粵好》總決賽勇奪冠軍等。由於他的唱功深厚，故在《中年好聲音2》一唱即爆咪，嚇到肥媽彈起身，故他被封為「重炮手」，更順利打入最後7強，並獲得無綫簽約，正式成為歌手。
中年追夢成功，Sean把心一橫，結束在大馬的髮型屋及唱歌事業，兼賣車賣屋，然後攜母來港生活。現時兩母子租住西灣河的一個300多呎的一房單位，雖然有別大馬的千呎獨立屋，但勝在麻雀雖小，但五臟俱全，樓下還是港鐵站及食肆臨立。Sean說︰「呢度係朋友租俾我，我大馬間房都大過成間屋，但呢度好方便，面積夠晒我同媽媽兩個人住，打掃好容易。由於朋友遷出前，都裝修咗間屋，我添置少少傢俬同布置幅牆便可以入住。」
經營辛酸
其實，放下大馬的一切，Sean不單止換來歌手身份，還卸下經營生意的辛酸和壓力。他指當年畢業後，因唱得而一直在民歌餐廳擔任駐場歌手，繼而進駐夜場登台，並跟酒吧和一些音樂人建立好關係，慢慢地由賣唱轉營成為一盤生意，承辦歌手和樂隊到酒吧演出。
Sean憶述︰「最初時，我淨係唱歌，到咗男人30、40歲黃金期，我就開始做agent，搏命搵錢，高峰期有成200個歌手同30幾間pub合作，一晚係好多錢生意，但我要出糧俾樂師、歌手，實際唔夠一成收入。當中除有人走數外，我自己又做足一星期，每日最驚收電話話有事請假，跟住要搵人及重新安排，老闆會鬧你，歌手又埋怨，壓力好大！加上，自己都唱咗咁多年，開始麻木。」
候鳥生活
現時在港生活，Sean笑言初時搭港鐵時，感覺到香港人節奏好快，彷彿好大壓力，但現已見慣不怪，反而欣賞香港的效率。至於美食，他大讚牛腩麵、咖喱魚蛋好好味，相當貼地。
此外，因大馬的生活指數跟香港有別，Sean現靠教唱歌、商演及做髮型師維生，稍後會為《媽妹笑住唱演唱會Part 2—澳門站》擔任嘉賓，以及12月的天行健慈善演唱會演出。而他是唱作人的關係，絕不忘寫歌，剛剛創作了一首福建歌，計劃會寄demo去台灣的唱片公司。
音樂無疆界，Sean昔日不停走埠唱歌，就連同屆的戰友劉威煌，也形容他如同一隻候鳥，每個地方融入後，就會飛去另一個地方。Sean堅定的說︰「我會俾5年時間喺香港發展。我希望可以擁出自己的歌曲，當然最想開個人演唱會。至於以後，我可能會搬去台灣、內地，終極心願係喺海邊開一間pub唱歌，過吓我嘅寫意人生。」這亦是許多歌手的夢想。
延伸內容：「中2生」沈宗賢梁浩賢陳芊芸 落力獻唱派心冧爆粉絲 談《中3》冠軍內定成疑
《東周網》訪談系列節目《星桄伴我心》8月重磅嘉賓：
即睇：譚輝智親解拉姑寵愛之謎 爆喊陪最愛開刀「望住手術室盞燈，我真係好驚！」
即睇：楊思琦破天荒講跳水前度吳帥：「好多人話我貪慕虛榮！」 親揭神秘老公底細 收$1200傾偈5分鐘解謎 與13歲女兒獨家真情對話
即睇：譚俊彥大爆與李佳芯電話傾心事內容│太太放棄演藝事業下嫁│親解爸爸狄龍與姜大衛不和謎團
