發佈時間：14:51 2025-06-26
歌唱老師張崇德（Peter）和結他演奏家劉卓威（Jacky），昨日（25日）宣布二人旗下的音樂學校「MMP音樂人教室」及「Guitar Concept」將合辦首個線上唱歌班。記者會上，兩人表示教唱歌和教結他都有很多共通點，所以才萌生合作教學的念頭。當日張崇德第一代學生蔡瀚億（BabyJohn），更親自到場支持師傅開班，三人更首度一齊合唱，十分合拍；最後Peter和Jacky交換禮物圓滿作結。
張崇德買劉卓威唱片而認識
張崇德和劉卓威雖然一個唱歌、一個彈結他，但大家都在不同範疇展現對音樂的熱愛；兩人相識是透過張崇德購買劉卓威的唱片《MOVE ON》開始。張崇德說：「呢張專輯製作得非常好，我仲以為係外國演奏家作品，後來發現原來係香港人製作，於是我喺網上主動聯絡Jacky，佢反應好受寵若驚。」劉卓威笑言：「梗係驚訝啦！細細個已經聽Peter唱歌，估唔到佢會買我張唱片，仲讚張碟製作得好！」
兩人互相邀請做音樂會嘉賓
自此兩人成為好友，劉卓威特別感激結他學校被迫遷時，張崇德二話不說騰出唱歌學校空間，讓劉卓威照常教學生，Jacky說：「真係好多謝佢，我話未租到新地方，佢一借就畀我用足3個月，真係好難得有呢個好朋友幫手。」兩人在舞台上亦有不少合作，張崇德於10年前與哥哥張崇基舉行演唱會時，曾邀請Jacky出任嘉賓，Peter說：「好多人都唔相信演唱會中，可以表演結他獨奏，但Jacky表演完掌聲雷動，好音樂觀眾一定識聽。」而Jacky舉辦演奏會，也有邀請Peter做嘉賓。
線上唱歌班能教導更多學生
由於張崇德和劉卓威各自都有開班授徒兼任「老師」，所以除了音樂話題外，經常溝通才發覺教唱歌和教結他有很多共通點，於是萌生合作教學的念頭，成為今次開辦首個線上唱歌班的契機。Peter笑言：「我通常都係單對單教學，最多都係教30人一班，但Jacky搞過線上結他班好成功，可以教到好多人。」Jacky續稱：「我試過線上班可以同時教到100個學生，所以跟Peter合作去設計呢個課程教唱歌，一定可以教到更多學生。」
蔡瀚億親自到場支持師傅
當日張崇德第一代學生蔡瀚億（BabyJohn），更親自到場支持師傅開班。回憶2002年15歲時首度跟Peter學唱歌，BabyJohn說：「好記得師傅嘅教學方法，係會用好多遊戲，令我好容易理解唱歌嘅原理。」Peter認為唱歌是為了開心，「用樂趣同生活化令學生更容易去學，就算佢哋收工謝咗咁嚟，都可以笑住咁走，而網上班就可以令到更多人開心。」最後三人還即場首度合作，Jacky彈結他伴奏，Peter跟徒弟BabyJohn合唱動畫《龍珠Z》主題曲。最後Jacky和Peter還交換禮物，Jacky贈送專輯《MOVE ON》給Peter，Peter則送上最新撰寫的英文書《LIFE MUST GO ON》給Jacky。
《東周網》訪談系列節目《星桄伴我心》6月重磅嘉賓：
即睇：75歲翁倩玉爆初戀情人秦沛畫卡通追求 隨緣孤身走情路 紅着眼憶重病父 為見愛妻堅持站起來
即睇：「蝦頭」楊詩敏父母離婚有陰影 愛情受重傷 細訴同火火轟烈戀情
