發佈時間：16:47 2025-04-10
「鄭伊健真心同盟國際歌迷會」成立33周年，日前以「久別重逢」為主題舉行聚會，延開25席招待約300位來自香港、台灣、日本、韓國和新加坡等各地的歌迷。相隔8年再辦歌迷聚會，鄭伊健感緊張，並化身導演兼司儀，親自安排表演項目；粉絲則以這30幾年來、跟偶像經歷的片段剪輯成MV回禮。鄭伊健看後非常感動，一度說不出話，並強忍淚水說：「30幾年，有啲朋友喺度，有啲移咗民，有啲朋友⋯⋯大家身體健康！」
台上表演由鄭伊健一手包辦
台上表演由鄭伊健安排，除了邀請合作無間的音樂監製陳光榮、歌手朱雋言和圈外好友Percy、組成期間限定Band表演外，還有陳光榮兒子Aiden演奏大提琴打頭陣；現場則交由粉絲悉心佈置，重現電影《久別重逢》場景劇照，讓粉絲代入女主角與偶像合照，還有歌迷會舊會的剪報。最特別是每位粉絲的座位上，都擺放一盒鄭伊健出道拍廣告的檸檬茶，而且是當年的復刻版包裝，令人驚喜！
鄭伊健公開與Aiden的秘密關係
一開始先由Aiden出場演奏大提琴，鄭伊健出場時笑言要公開與Aiden的秘密關係：「你哋睇吓佢嘅髮型，長頭髮㗎，我將呢個秘密講出嚟，大家會唔會好驚？你哋係咪唔想接受？」台下粉絲即起哄，有人搶答是「私生子」，令他們哭笑不得，結果鄭伊健揭曉Aiden是陳光榮的兒子，這是他第一次公開表演，全場報以熱烈掌聲支持。
陳光榮與Band友上台表演
鄭伊健繼續問台下粉絲：「其實Fan Club成立咗幾耐？（30幾年）30幾年咩？多謝大家，原來我哋已經係30幾年偶像同Fans嘅關係。」跟着他邀請陳光榮出場，並說：「大家記唔記得上次Fan Club Party係幾時？（2017年）當時我哋着咩衫表演？（校服）幾年前我哋仲可以着校服，𠵱家就⋯⋯」他繼續邀請其他Band友上台，並介紹他們身上貌似牛仔布的斗篷，是一位日本朋友用「和紙」為他們製作的，全場嘩然！
鄭伊健與全場粉絲大合唱
之後鄭伊健一連唱了《隨時候命》、《一起衝一起闖》和《自動勝利Let‘s Fight》等歌曲，台下也一齊大合唱，氣氛高漲。演唱《Stronger》前，他說：「疫情期間好蕭條，要戴口罩出街，有好多嘢唔做得，嗰時我拍咗個廣告，首歌由陳光榮寫，我好鍾意份歌詞，鼓勵大家喺低潮時唔好咁易放棄！」之後與粉絲影合照和抽獎，送出簽名藍牙喇叭和海報。活動尾聲，粉絲意猶未盡大叫Encore，全場大合唱《Together》。
陳光榮出黑膠碟留住回憶
鄭伊健還在台上宣布好消息說：「以前香港唔太重視電影音樂，直至陳光榮出現，〈仍能情深愛上〉來自電影《姊妹情深》，仲有《風雲》、《中華英雄》、《極速傳說》，唔止我嘅電影，《無間道》同《頭文字D》都係嚟自陳光榮。𠵱家好多電子嘢，撳個掣就聽到，好少人會做隻碟留個回憶，佢就係做緊呢件事。今次仲會出黑膠碟，留住今年曾經有一樣嘢出現，感動到大家，記低佢，呢個就係我哋嘅回憶。」
《久別重逢》將推出原聲唱片
陳光榮續說：「我好鍾意《久別重逢》呢套電影，而且伊健用咗另一個層次去演繹，令我更鍾意呢部戲，所以我決定出Sound Track（原聲唱片）。」粉絲隨即歡呼起來，而鄭伊健更率先向粉絲劇透唱片封面和內頁靚相，他說：「𠵱家做呢嘢唔簡單，尤其係黑膠碟。當日話出CD我都有反對，仲有人買咩？原來係『有』㗎！」陳光榮稱黑膠碟正在德國印製，現已接受預購，CD將在本月推出。
延伸內容：《風雲》35周年 鄭伊健「聶風」驚喜現身 旦哥「文丑丑」招牌笑聲 觀眾一秒入魂
延伸內容：鄭伊健澳門演唱會 黃淑蔓獲驚喜安排新歌登場好感動 靚聲被讚
《東周網》訪談系列節目《星桄伴我心》4月重磅嘉賓：
即睇：倪樂琳曾因心口胎記感自卑 爆媽媽鍾意某男星
即睇：黃秋生剖白人生幾段情 愧對亡母，對花槽祭父，大仔生死劫，細仔嗲功攞錢
