發佈時間：12:00 2024-12-26
剛踏入57歲的鄭伊健，近年因老婆蒙嘉慧（Yoyo）在福岡開設房地產公司，所以經常港日兩邊走，加上自己又正進行世界巡迴演唱會，故留港的時間少之又少。向來是孝順仔的鄭伊健，適逢早前在港開拍新戲《久別重逢》，恰巧Yoyo又返港為自己主持的旅遊節目《呢度住吓嗰度住吓》宣傳，他便馬上拖埋老婆補陪媽媽、一起到米芝蓮酒樓飲茶聚會，更點了媽媽最愛吃的魚翅頂湯餃，𠱁到阿媽笑到見唔見眼。伊健咁識做，又點會有婆媳紛爭呢！
延伸內容：帶埋黃淑蔓開騷 鄭伊健巡唱倫敦站3度眼濕濕 低潮時獲Wyman《新歌》15年後被歌詞感動
延伸內容：鄭伊健澳門演唱會 黃淑蔓獲驚喜安排新歌登場好感動 靚聲被讚
延伸內容：鄭伊健開show前病倒 靠意志力完成演出 帶同小師妹黃淑蔓出發美國巡唱
為老公慶生食魚蛋粉
蒙嘉慧（Yoyo）自2013年與鄭伊健結婚後，就淡出幕前。由於兩夫妻都喜歡日本文化，於2019年，Yoyo便在福岡開設房地產公司，主打物業管理與買賣、移民及升學諮詢等；之後，她索性留在當地打理生意。至於伊健就繼續為演藝事業打拼，除了拍戲外，又舉行世界巡唱，但定時定候都會飛日與Yoyo相聚，兩公婆因而展開了旅居日本的生活。
對於如何分配港日的居住時間？伊健表示：「其實，我都喺香港住，不過太太喺嗰度（日本）工作，咁我梗係要去探佢，想出發去就去囉！譬如𠵱家要做嘢，就喺香港，而佢都會返嚟陪一陪我。」每逢老公在港開個唱，Yoyo也定必捧場。
久違幕前的Yoyo，明顯「幸福肥」，近來夥拍ERROR成員吳保錡和「Dee姐」陳海寧，為ViuTV的新旅遊節目《呢度住吓嗰度住吓》擔任主持，她也有回港參與宣傳。適逢日前老公生日，兩夫妻穿上黑色情侶裝出巡，並被網民「捕獲」，見他們在筲箕灣食魚蛋粉撐枱腳慶祝，簡單又貼地。
做「柴可夫」送奶奶回家
向來孝順的鄭伊健，趁在港當然不忘抽空陪伴雙親。昔日，他跟Yoyo拍拖時，已帶着兩老同遊日本；另外，平日縱使幾忙碌，他每周都會探訪居住在黃埔的兩老，就連Yoyo都非常欣賞老公的孝心，她說：「伊健對老人家好有耐性，會教爸爸打機、學用新科技，去玩就一家人一齊去，而唔係嗰種畀咗家用、食餐飯就算嘅人。」
日前中午時分，本刊就發現伊健拖埋老婆，跟媽媽及親友，一行約8人到尖沙咀商場、一間連續12年榮獲米芝蓮一星的酒樓飲茶。而體貼的伊健，眼見媽媽年事已高，要坐輪椅出入，定必管接管送。當日，他還窩心地為媽媽點了她至愛的魚翅頂湯餃，亦因為這款點心，所以鄭家經常光顧這間酒樓。席間，他們邊食邊傾，伊健和Yoyo樂於分享在日本生活的點滴，更食足3個鐘。離開時，Yoyo先護送部分親友去搭車，伊健則聯同外傭推着坐在輪椅的媽媽步出酒樓。現場所見，鄭母心情大好，笑到見眼唔見眼地跟親友道別；跟着，Yoyo還化身「柴可夫」送奶奶回家，再享天倫樂。
爸爸嚴厲媽媽好疼錫
成長於土瓜灣樂民新邨的鄭伊健，家有一兄一妹，爸爸從事製衣，媽媽則是家庭主婦。他曾形容爸爸較嚴厲，而媽媽則比較寬鬆，即使小時候家裏很窮，他想要「超合金」玩具，媽媽也會寵他說：「買啦，明天吃少一個餸菜囉！」相反，爸爸的思想傳統，覺得男人要顧家。當時，鄭父曾極力反對，勸兒子要腳踏實地：「做搭棚都好呀！」 抗拒兒子發明星夢。
幸好入行後，伊健的努力，爸爸完全看在眼裏，之後不僅再沒有阻止，還給予無限量支持。鄭伊健說：「多年來，除咗開始時，爸爸反對我入娛樂圈之外，之後我做任何事，佢哋都支持我。當緋聞見報，佢哋都唔追問，不論感情事及事業，佢哋都畀我完全嘅自由，所以真係好多謝佢哋！」多年前，鄭伊健更特地推出歌曲《爸爸的汽水》，以記載父子情深。
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
敬請期待：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
