當鎂光燈都在「微笑劍后」江旻憓身上閃亮時，到底有沒有人留意到，不少落敗了的香港運動員，垂下頭，黯然離開比賽場館？落寞的身影，拖曳着多少年來的血汗和辛酸淚水。

「江旻憓奪得金牌也好，無緣入決賽的石偉雄也好，大家都係斷咗一啲韌帶，只不過喺唔同部位。不論輸贏，佢哋以意志同努力，去克服傷患的精神，都值得大家敬重支持。」當年替香港贏得歷史上首面奧運金牌的「風之后」李麗珊，語重深長說。

32歲的石偉雄是香港的跳馬王子，兩奪亞運會的跳馬金牌，也是亞洲錦標賽和世界盃克羅地亞站及斯洛文尼亞站的跳馬冠軍，絕對是香港之光。

在他身上，傷患多不勝數，頸椎、肩膊、腰、大髀、膝頭、足踝的韌帶斷裂等毛病，一直困擾多年，成為他攞金牌的絆腳石。

隨便說一兩個傷患案例： 14歲那年，比賽失手，令他第6至第7節椎骨移位，背上留下一條10 cm長的手術疤痕。

2006年，他因比賽落地失手，傷及頸椎，要臥床3週接受手術，家人一度反對他繼續跳馬生涯。

2014年，肩膀肌腱完全斷裂。2016年，腳筋腱斷裂。2021年腳腕內側兩條韌帶斷裂，未及完全康復，只休養3個月就要出征世錦賽。

「既然選擇了去搏，就不能夠去想得唔得，唔得都要得！」

上屆東京奧運失落獎牌後，他當場豪言說：「巴黎奧運見！」為了兌現承諾，他帶傷參加多站的世界盃賽，最終成功取得今屆奧運入場券，成為代表香港的「奧運三朝元老」。

「其實去年我秘密做了一個腰部手術，我同醫生講，唔好俾家人知道。」這幾個月，他更懶理醫生勸告不能打得太密，連環冒死打了4支消炎止痛針，「醫生講打咗都會有斷腳的風險，我情願斷，都唔要三五七十年後，後悔自己點解當初唔行多步。」

他試過即日來回香港和集訓地荷蘭，就為了打止痛針，「連輸我都唔怕，斷呢度嗰度我都唔怕，我已經豁出去，冇嘢輸！」

鬥志從來不減，傷痛視作等閒，石偉雄雖然最終未能登上今屆巴黎奧運的頒獎台，但他沒有輸，早已戰勝了自己，金牌也已掛在我們的心頭。

「我26年嘅體操生涯，從來冇多謝過自己，多謝你26年嘅堅持同努力，艱難咗26年都冇放棄。就當我有78歲命，你堅持咗三份一嘅生命，日復日、年復年咁做，石仔，多謝你！」石偉雄在賽後寫下感言，多謝成身傷痕纍纍的自己。

當61歲的倪夏蓮婆婆，今屆都可以第6次參加奧運，代表盧森堡出戰乒乓球女單賽事，更在64強擊敗土耳其選手晉級，石仔，2028年洛杉磯奧運見啦！