更新時間：11:00 2026-11-09
發佈時間：11:00 2026-11-09
發佈時間：11:00 2026-11-09
有圈中「模範夫妻」之稱的吳岱融與鍾淑慧（Lily），日前接受TVB 娛樂訪談節目《一周星星》的主持王鎮泉訪問，大談因戲生情到拍攝三級片的點滴，更爆出多段鮮為人知的甜蜜秘史。又 「獨家考古」環節重溫《1987環球小姐香港區選拔賽》、《K-100》（1990年）、《人·鬼·狐》（1991 年）、《城市追擊》（1995 年）等片段。
食發泡膠粒證真心
提到二人定情之作《人·鬼·狐》，Lily 坦言拍攝前兩人並不認識的，對吳岱融初印象非常深刻：「佢真係超認真，當時我都驚驚哋，我有時會偷偷睇佢演（拍戲），我到而家都好印象深刻。」至於吳岱融對Lily初印象，他甜笑表示：「佢好真，烚得嚟幾可愛。」談到當年定情經過，吳岱融憶述：「等埋位嗰陣時反光板甩咗啲發泡膠粒喺地下，我話你係咪鍾意我？可唔可以為我食咗佢（發泡膠粒）？佢真係食咗落去。」Lily聽後即場踢爆：「佢唔係咁問我。」兩人各執一詞，場面搞笑。
拍三級為保護老婆
此外，當年他倆以情侶檔拍攝三級片《替天行道之殺兄》的難忘事，吳岱融透露當時還是女朋友的Lily有問過他意見，他覺得角色有發揮，是一部好電影，認為她接受便可。他更自爆當中有不少大膽場口是自己親自找導演和監製傾談，一來可以保護Lily，二來因應角色需要：「我演係有保護到佢嘅。」對於外界以為他為錢才肯裸露，吳岱融直言：「其實好多人誤會咗。」Lily 即補充：「好多嘢係我哋自己加落去。」
延伸內容︰80年代TVB小生吳岱融公開每日養生秘訣 靠加拿大空氣成功戒煙
延伸內容︰崔加寶 鍾淑慧 王綺琴｜靈異真實個案｜上海酒店倒吊女鬼 薄扶林神祕紙人 和合石橫飛怪火
延伸內容︰崔加寶 鍾淑慧 王綺琴 全都選美出身靚足40年 因為一個原因走埋一齊
最Hit
