「Diu快啲！Diu快啲！」如果在奧運場館裏，坐滿香港觀眾，一同齊聲高呼「Diu！Diu！Diu ！」，來為唯一的田徑港將刁俊稀打氣，場面一定非常震撼，也充滿港式地道情懷。
雖然最後只得「輸咗啦Diu」的慨嘆，但24歲的刁兄，已經跑得非常之好，在奧運100米短跑預賽中，以10秒62完成，在小組第3組排名第4僅敗，無緣晉級，但他已成為香港史上第3人參加奧運100米短跑，兼創下港隊在奧運這項目的最佳成績。
「我今年跑嘅最好成績，係10秒33，今次奧運只係跑得10.62，其實唔滿意。始終喺比賽前兩三個星期，隻腳有啲唔舒服，出咗啲狀況，影響咗訓練嘅質素。」Diu，我唔准你咁講，刁兄實在太言重，其實你已經是香港之光，能夠在奧運百米賽道上出賽喎，單挑世界級健兒，已經好叻仔啦Diu ！
一戰成名，刁兄除了跑得快之外，還因為他的姓氏英文拼音，令香港人感到相當親切，跟平日講慣的助語詞近似，在網上成為熱話，「Diu Diu聲」不絕，同為刁兄落力打氣。
刁，在百家姓中，排名第148位，多見於山東、湖南和貴州等地。近年在全國人口中，姓刁的，為數約37萬人。
刁姓的起源，可追溯到4000多年前的周文王，當時有雕國，國民多姓雕。到了西漢時期，簡化筆畫，稱為「刁」姓。據《漢書》記載：「雕姓，考工雕人之後」，即多為木匠雕刻師傅的後人。
千百年以來，姓刁的名人輩出，有東晉的尚書刁協、北魏大將軍刁整、元朝猛將刁國器等，而香港近年亦有單車好手刁小娟，為李慧詩隊友，曾替港隊贏得不少亞錦賽獎牌。
刁兄，期待下一屆洛杉磯奧運，我哋幾百萬香港人，一齊「Diu」聲四起，為你打氣。
最Hit
