香港人口老齡化趨勢加速，之前曾經提過，統計處預料至二○四六年，長者人口將比現時倍增至二百七十四萬，佔總人口三成六，即每三個港人中就有一位長者。內地人口同樣趨向老化，目前全國約兩成為六十歲以上，預期二○三○年老年人口將突破四億，佔總人口三成幾。安老成為香港和內地各省市一大課題。
中銀人壽執行總裁鄧子平（中）及市場及產品發展總監魏志煒（左一）。
當然，唔同人對安老有唔同概念和要求，例如內地經濟能力較佳嘅長者近年興起旅居養老，因應氣候同生活體驗去其他城市旅行居住，短則一頭半個月，長則半年以上。近月北京、天津、海南、雲南等八地推出旅居養老機構服務平台，覆蓋各地養老機構，推動異地養老服務。其中獲譽為「世界長壽之鄉」嘅海南島冬無嚴寒，夏無酷暑，百歲老人佔比為全國第一，唔少「候鳥老人」視之為旅居首選地。
但對好多香港人嚟講，跨境養老仍未能完全接受，始終會擔心適應唔到。旅居可以係一個試點，最近見到中銀人壽推出會員制嘅「旅．心活」旅居體驗計劃，相信可以畀香港人試下自選地方短期生活。呢個計劃揀咗內地十八個城市作為旅居基地，有杭州、成都、青島、南京、福州、長沙、大理、三亞、黃山、珠海等，可因應個人喜好同季節擇善而居，體驗各地生活。
中銀人壽執行總裁鄧子平（Wilson）希望運用集團「銀行＋保險」優勢，推動銀髮經濟發展，亦可以為香港高齡化問題出分力。事實上，就需要幾多錢至可以退休呢個問題，各有各說法，但候鳥式旅居相信更需要財務支持。Wilson覺得要實踐旅居退休，先要建立養老生活財務基礎，例如透過財富增值傳承、退休年金和每月入息嘅保險產品，創造穩定現金流。
不過對長者而言，「旅」只係第一步，「養」先係重中之重。中銀人壽市場及產品發展總監魏志煒解釋，呢個計劃以「六養合一」為理念，配套專業健康膳食方案、高端酒店式康養居住環境、養生設施和醫療康養服務、生活設施配套和康體活動課程、一對一旅遊諮詢和禮賓服務，以至建立養老社區促進老友記交際等，顧及身心靈需要。另設有一對一專屬旅居管家，可以線上線下幫忙處理行程設計和代訂，甚至景點美食推薦，以及突發情況支援等。
十八個旅居基地都經過細心揀選，有創新城市、文化名城，亦有風情小鎮、溫泉之鄉等，全部都係具有特色嘅宜居城市。中銀人壽同多個合作夥伴一齊建立呢個旅居網絡，希望會員可以喺唔同季節選擇最合適嘅旅居地，喺當地嘅最好時間享受動態慢活生活。
之前中銀人壽推出試點計劃，邀請一百位特選客戶體驗旅居，得到高度正面評價，反映旅居市場確有潛力。魏志煒認為退休唔係終點，而是享受生活嘅新起點，而旅居退休係其中一個新選項。
