夏天為大家帶嚟雨水，仲有大大粒嘅汗水。
人人都會出汗，但男士流嘅，俾人叫「臭汗」；女士流嘅，就叫「香汗」。有點歧視，好彩無人向「平機會」投訴。
不論汗是「臭」還是「香」，總有人喜歡出一身汗。跑個步、打場波、玩堂高溫瑜伽，汗如雨下後，就感到脫胎換骨refresh重生了。
小妹最怕成身汗「黐立立」，上述活動一概＂Ｎo, thanks＂了。而不喜汗水的又豈止我，大家戴着的翡翠首飾亦然。
唔好誤會我有「避『汗』妄想症」，介意翡翠首飾揩到汗水，純因汗裏面的鹽分和酸性物質，會為她們帶來負面影響。
一件翡翠常會用到白金、黃金或銀來鑲嵌，這些金屬如果長期接觸到汗水，有機會受到當中的酸性和鹽分侵蝕或氧化，從而出現褪色、暗啞甚至變黑的現象。雖然市面上售賣的「抹金布」或「洗銀水」，說可以讓金飾銀器回復光亮，但小妹試過效果一般，因此出現這個情況，我還是建議大家拿去相熟珠寶店「翻新」。
想翡翠首飾歷久常新，治本之法就是避免同汗水有親密接觸，避無可避咯，就勤用「純水」（不含酒精）濕紙巾清潔。
至於翡翠本身，原則上不會給汗水破壞，只不過汗水長期沾附在翡翠上，會跟空氣中的微塵結合而形成「汗垢」。
當你有日驚覺身上的翡翠油光艷彩不復見，取而代之是一層如雪霜般的白濛時，就是「汗垢」作的怪。汗垢在雕刻細緻的「花件」尤其顯眼，因為縱橫勾勒的刻坑，正是汗垢藏身的好地方，所以更要留意。
清洗翡翠上的「汗垢」可以自己動手，在清水中加入少量洗潔精，再以軟毛牙刷輕拭，沖洗後用布溫柔的徹底抹乾便可。三兩下功夫，翡翠又宛然回春、容光煥發。讓人大汗淋漓的夏天，每日戴着的翡翠最好「一月一回」深度洗抹，免得汗垢積聚，有礙觀瞻。
照某女歌手的邏輯，人人都流汗，唔通人人都想流汗咩？就像那些大熱天時，仍然通街走為我們派淘寶、送熊貓的哥哥姐姐，他們大汗疊細汗，絕對不是為了排毒養生囉！
所以喺呢啲日子，我通常會準備啲飲品喺雪櫃，遇到嚟派件送貨嘅哥哥姐姐，總會多口問句要唔要罐冰凍汽水或者檸檬茶。獅子山下遇上，感恩自己嘆住冷氣做嘢，亦想向在烈日下工作嘅人聊表關心。
成日話送「暖」到人間，但接近40度嘅日子，送「涼」好似啱啲。
流汗對人體有益，但珠寶首飾卻最怕接觸汗水。
