更新時間：19:32 2025-01-17
發佈時間：19:32 2025-01-17
發佈時間：19:32 2025-01-17
大圍一間餐廳負責人近日在facebook群組「顯徑連隆」發帖，指天眼拍到一名捧着一大盆年花的女子，在經過該店門口前時竟順手牽「袋」。負責人有禮地表示，「麻煩你放返個袋喺出面，物歸原主」。事件引發關注，有網民驚嘆「有冇順手到咁嘅」，還有人向負責人爆出另一件事，有網民不禁提醒「整番個告示牌『請向閉路電視微笑』」！
樓主：不問自取唔係咁啱啊
從樓主發布的天眼截圖可見，事發於周三（15日）下午5時左右。樓主在帖子中寫道，「呢個係屬於我哋餐廳嘅物品，不問自取唔係咁啱啊」，又指「呢位女士，我知道你剛剛買咗年花想搵個膠袋裝住，但都可以走入嚟問下我哋，我哋好樂意借袋一用嘅」，呼籲女子看到帖子後，「麻煩你放返個袋喺出面，物歸原主」。
網民﹕同我哋以前被人偷遮、偷電話一樣
帖子引發網民關注，有網民疑似目擊了事件經過﹕「我今日大概5:05pm公廁門口等小巴見到呢位呀姐，佢確實手抱一個藍袋（疑似ikea袋）裝住黃色蘭花，橫跨馬路（無行安全島咁過），向（隆亨邨）善心樓方向走咗」。
有網民驚訝「有冇順手到咁嘅」，有人則指責「同我哋以前被人偷遮、偷電話一樣」、「第一張相離遠已經猴住你個袋，雖然只係背面，但感覺到佢係雙眼發光」、「阿姐你喺垃圾桶摷一個袋用，就唔算偷。人棄我取，仲可以話你係環保添。不問自取就叫做偷啦」。有人更猜測，「可能盆花都係『借』返嚟」。
網民爆出另一件事 好心人提醒﹕整番個告示牌
另有網民更留言爆出另一件事﹕「其實我早兩日行過，都見到有個阿姑，有架手拉購物車，佢喺你舖出面拎咗兩個樽走。」引得其他好心網民提議，餐廳負責人「整番個告示牌『請向閉路電視微笑』」。
最Hit
