發佈時間：15:03 2025-01-15
昨日(1月14日)《東周刊》獨家踢爆近日經常跟林作和美所拍網上短片的囂張闊太，確實大有來頭，五索原名鍾睿心（Rachel），竟然是大生銀行主席、馬清偉弟弟馬清鏗的「小三」。原來，現年34歲的五索鍾睿心（Rachel）和現年66歲的馬清鏗，已經秘密一齊9年。據密友透露，五索成功姣擒身家逾百億元的馬清鏗，靠的除了靚樣及巨咪之外，還有箍實男人的智慧，難怪她的身家已「億億聲」。日前，《東周刊》就獨家拍到二人慶祝相戀紀念日，二人又啜又攬，初戀Feel出晒嚟。
事件曝光後，五索曾回覆傳媒稱不介意承認自己是小三，甚至揚言「小三比正宮更有錢。」但女人話變就變，五索一臉憂戚地孖裕美到便利店掃《東周刊》，接着又拍片回應事件。
相關內容 : 馬清鏗「小三」五索發歌星夢 稱有海豚聲闖樂壇 即場獻唱魔音勁過黃百棉（有片）
相關內容 : 林作裕美閨密「五索」大起底 真身係大生銀行主席馬清鏗小三
相關內容 : 大生銀行主席風流帳 馬清鏗家世顯赫 父親係五大富豪之一 兄弟多桃花
五索便利店掃書 稱要消失social media
於片中開始時就見五索一臉憂戚地準備步入一間便利店，短片置頂位置寫着「多謝大家慰問，我不逐一澄清了」之後就見她入到店內掃《東周刊》，五索手拿着三本今期 《東周刊》，一臉無奈搖搖頭地說：「得三本咋 !」，而裕美就跟她說：「你問下佢哋倉底仲有冇 ?」接着五索又拍片回應事件：「因為呢件事我最驚唔係自己嘅名聲受損，係因為牽涉到人哋嘅家事，咁所以我係會暫時消失喺social media一段時間。因為佢嘅屋企嘅元配並唔知道呢件事，咁我唔想牽涉到其他人嘅事。」據指五索擔心小三身份被踢爆後，驚被閂水喉，故心急掃書，希望可以買書滅跡減少自己的曝光率。
五索回應惹爭議 有人鬧爆又人撐
片段發布後，很快惹來不少爭議，有人說：「一堆人仲講加油真係sXs，做自己唔係問題，問題係傷害人哋吖嘛，做小三做到咁高調你都幾好嘢！」、「其實唔係好明，如果真係驚出事點解要咁高調玩IG做網紅？」裕美亦有回應：「主要冇諗過咁快紅」，還有人說：「其實佢平時咁高調炫富，一定好快比人爆料，應該預咗會係呢個結局。同埋佢有冇諗過，爆左出嚟係會影響呢段感情、同埋會影響小朋友嘅家庭生活。」裕美留言反擊：「高調係佢喜愛，我唔鍾意改變人，你亦無法改變一個人，佢自己嘅事自己會去諗，旁人冇權決定。」
雖然有不少人力斥五索做小三行為不當，但也有她的粉絲留言支持。粉絲留言 :「撐你呀，唔使理佢哋最緊要做得開心，記住拍多啲片。」、「容許我講一句說話，一開波見到五索個樣，我真係覺得佢靚咗好多。」 、「加油！Rachel,美美在心中。」
《東周網》獨家「質詢」馬清鏗「小三」五索，足本訪談內容將於本周五上線，快啲bookmark 《星桄伴我心》page喇！
猛料預告 : 獨家質詢馬清鏗「小三」五索“我係賤人，但我住山頂，你唔恨得咁多！”
相關內容 : 林作裕美大爆性生活 拍搞笑短片捧億萬闊太「五索」做女一
《東周網》訪談系列節目《星桄伴我心》12月/1月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
即睇：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
即睇：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
