更新時間：15:46 2025-01-16
發佈時間：15:46 2025-01-16
發佈時間：15:46 2025-01-16
七師傅昨日（1月15日）以嘉賓身份出席網紅Emi Wong創辦的營養補充品活動。隨著農曆新年將至，七師傳於活動上先同大家拜早年及分享蛇年健康大運心得。
七師傅囑咐大家蛇年要多加注意消化系統疾病，特別是前往港人的旅行熱點 - 日本及韓國，七師傅亦分享了不少蛇年招財貼士，表示大家可以多留意黃金市場的走向，Emi 及Sharon見狀立即向七師傅送上一款同黃金相關的產品抗炎之星「黃金薑黃素」，熱愛黃金的七師傅就笑言見到黃金兩個字就已經好開心。
七師傅批馬清鏗唔會同正印離婚
對於啱啱《東周刊》獨家爆出大生銀行主席馬清鏗與網紅「五索」（原名鍾睿心）有婚外情長達九年，有指兩人育有四個小孩及有指「五索」有意挑戰正印地位，七師傅就說：「離婚就肯定唔會離啦！大婆都會條氣唔順，離婚咪益咗你，佢（指五索）有咗幾個小孩又甩唔到，佢哋男女關係我就唔清楚，但我純粹分析大婆唔會離婚，呢個女仔又唔會跟馬生分手。其實好多有錢男人好多女朋友，出面有幾個老婆，所以有時好難控制得到。」
七師傅傳授「御夫術」
談到可有贈言給「五索」，七師傅就九唔搭八問Emi有無「靜雞雞」生過幾個，嚇得Emi謂：「未生、未生！」。至於可否贈言給馬清鏗太太，七師傅：「馬太唔使擔心，你老公唔愛你就會同你散，同埋當初馬生娶你有你嘅優勢，同老公唔好抝交，如果拗交就將個男人推得更加遠。我覺得馬太有一定優勢，如果無優勢唔會吸引個老公娶你，肯定都係一個靚女或優勢，所以發揮優勢對老公更加好，唔使將婚姻搞得咁僵。」
相關內容 : 林作裕美閨密「五索」大起底 真身係大生銀行主席馬清鏗小三
相關內容 : 大生銀行主席風流帳 馬清鏗家世顯赫 父親係五大富豪之一 兄弟多桃花
相關內容 : 馬清鏗「小三」五索囂張過後突變陣 疑驚被閂水喉急掃書滅跡
最Hit
