更新時間：18:14 2024-12-25
發佈時間：18:14 2024-12-25
發佈時間：18:14 2024-12-25
旅遊季節市道暢旺，對香港經濟而言自然是好事，但一不小心，便可能會出現亂象！有網民便在平安夜前夕目擊約50名遊客拖篋登上機場巴士，結果行李太多，竟在座位上上「層層疊」，狀甚危險，而就在巴士轉彎時，這些行李箱便跌落巴士地板上。事件在網上引發熱議，不少人質疑「點解司機照開車」？
機場巴士一轉彎 行李山即冧
目擊女網民於本周一（23日）在社交平台Threads發帖，闡述事件詳細經過。她指涉事巴士由機場總站開出，當時有約50名遊客「夾硬上車」，「仲要將啲篋放上嚟個座位上邊」。從她分享的現場畫面可見，行李架已被佔滿，但行李仍然不夠放，被打橫以「層層疊」的方式，堆放書下層多個座位上，且沒有繫上繩索等固定。
樓主直言：「我明佢地都好想上車，但咁樣放D行李疊晒係到其實係好危險。」結果，「巴士一轉彎，已經有幾個篋跌左（咗）落黎（嚟）。」她無奈地表示：「唔好話佢都係想上車，冇位都要咁放，有人受傷邊個人負責？」
網民斥拖篋乘客缺德 座位上堆放行李構成行車危險
有網民直言場景令人「有d震撼」，不少人則指責有關乘客缺德，將行李堆放座椅上構成行車危險：「貨車？」「影響行車安全。」「好恐怖。」「轉彎跌出黎（嚟）分分鐘爆玻璃！」
不少網民質疑為何車長容許乘客這樣堆放行李，「點解司機照開車」？有人直言﹕「司機都有責任，有咩事喼跌爛左（咗），整到人呢啲，果啲人肯定推畀司機。」樓主回覆稱：「個司機都唔想俾佢哋上，係個站長係咁幫佢哋。」
龍運巴士乘客須知列明，乘客物件不得佔用座位，及不得放置在巴士的通道或樓梯上。有網民建議，遇有同樣情況應報警。
最Hit
