更新時間：17:26 2024-09-09
發佈時間：17:26 2024-09-09
發佈時間：17:26 2024-09-09
身為父母，理應以身作則，然而，今日（9日）在網上瘋傳的一段車Cam影片卻顯示，一名家長早上拖著身穿校服的孩子，疑似怕上學遲到，竟在九龍塘界限街近金巴倫道交界的4線馬路上，無視剛好停在附近的警車，在車龍中穿梭，更險些被車撞上。影片引發網民熱議，不少人批評家長做法，嘲道「返學緊要過條命」，還有人直言「呢啲父母真係要重罰」。
影片畫面顯示，拍攝時間為今早7時46分，當中，一名家長拖著孩子越過3條行車線後，打算直衝至對面行人路，未料打下這段車Cam片的私家車駛至，所幸司機及時煞車，才未有撞倒兩人。該名家長被嚇得目定口呆，當即停下，稍一定神後即又匆匆帶着孩子走過餘下馬路。私家車司機見狀不禁罵道：「黐線㗎真係！」
事後司機將車Cam片上載至社交平台，並留言直斥：「乜嘢家長帶小朋友咁樣過馬路！唔係次次咁好彩㗎！」網民則大讚司機反應快，紛紛表示「好彩你經驗夠，睇唔清路面冇揸咁快」。有人則揶揄涉事家長，「佢真係當警察死架喎」、「帶個短跑冠軍出黎（嚟）」、「返學緊要過條命」、「遲到好過報到呀」，又直指「幾趕時間都唔係咁過馬路啦，遲早一次出事的」、「呢啲父母真係要重罰」。
最Hit
