發佈時間：17:49 2024-08-15
元朗街頭疑似出現「大師黨」。有街坊近日在facebook群組「盡在元朗」發帖，以「元朗真係咩嘢都有」為題並配上照片，指在街上遇到兩名女子給路人派金色「觀音牌」後即索要$20給大師。有網民斥兩女是騙子，有人則分享類似經歷，教路最厲害武器武器便是「舉電話拍佢，佢秒消失」。
該則帖子於8月2日早上發布，其中寫道﹕「呢個綠色衫女人帶住一個藍色衫嘅女人，然後送個觀音牌畀你話你知呢個係大師，你接咗個牌之後叫你畀$20大師……你話無錢佢即刻收返個牌。」從其分享的照片中可見，兩名「大師黨」女子均戴著帽子，其中一人穿綠黑花紋連身裙，揹斜揹袋，另一名藍衣女緊跟在她的後方，被拍一刻正望向橋邊，似乎在尋找目標。
有網民直斥相中兩人為「騙子」，另有街坊爆料指「也有男的，經常在茶樓食肆等出沒」。網民則留言指「我今日都遇到，我睬佢都傻」、「剛喺（元朗）合益商場見到，畀張觀音像卡我，叫我請觀音，無理佢就走」。
網民看穿伎倆﹕幾十年前都有啦
「大師黨」慣用的伎倆似乎已被網民看穿，指「呢啲傻嘢幾十年嚟香港九龍新界都有啦，你（樓主）未碰到過吧」、「幾時有停過？幾十年前都有，畀隻公仔問要錢，畀20蚊食飯、坐車，只有見到即走」。樓主則回應評論指「我未碰過……」，並開玩笑指「唔通我個樣天真咗」。
有人感嘆「元朗咩鬼都咁多」，指「依家啲大師＋埋個牌先得嗰廿蚊」，樓主也指「仲要出動2個人先$20」，被網民形容為「大師窮遊元朗……化緣」，「出面（氣溫）30度，2條友做一單，轉頭買支嘢飲冇埋，白做」；另有人估計「可能（個牌）10蚊有10個淘寶」。有人則建議「報警拉X咗呢啲人啦」。
最厲害武器 舉電話拍佢秒消失
還有網民分享了自己在新冠疫情前的一次儆惡懲奸經歷，指曾看有僧人打扮的某國人士現身遊客區，「向住啲遊客笑口噬噬，將條手串喺你身、頭係咁打圈好似作法咁，之後塞畀佢，就會問人攞錢。嗰次畀我遇到，我剛落巴士，我大叫個外籍遊客don't take anything from him he will ask you for money（不要拿他任何東西，他會向你要錢），遊客點頭走了」。他指該名「僧人」隨即衝向他，「我出了最厲害武器，舉電話拍佢，佢秒消失」。
