TVB小生黎諾懿，2011年認識港姐太太李潔瑩（Nicole），兩人拍拖3年後，於2014年結婚，先後誕下現年7歲的大兒子黎峰睿（乳名小春雞）和3歲的二子黎奕辰（乳名小冬牛），一家四口樂也融融。下周一11月11日正是二人結婚10周年紀念，問他們點慶祝時？黎諾懿笑言要等老婆大人決定究竟想過二人世界定一家四口的旅程？前者肯定是浪漫之旅，後者則是一齣合家歡電影。雖然未有定案，但Nicole好肯定愛老公高大孝順，又專一簡單。黎諾懿就憶述：「第一眼見到佢覺得好靚！」而且由相識至結婚的13年，太太令他由「暴龍」變得馴良。而兩人相處之道是互相信任，不時為對方做一點事，即使是整條水喉也教人感動了。

延伸內容：阿儀鬧死八婆 直擊林寶玉電話對質 結局竟然係…… ｜星桄伴我心

延伸內容：生兩個胰臟瘤，同仔女預先道別 黎瑞恩：「我以為差唔多要走了！」｜星桄伴我心

延伸內容：吳文忻乳癌復發問天「Why me」獨家落淚剖白：「我不怕死！」｜星桄伴我心

綜援維生變收入穩定

黎諾懿因參加無綫電視藝員訓練班而入行，出道作品為《戀愛自由式》，其後參演《當四葉草碰上劍尖時》擔任男主角，之後更參與電影演出。家中有一兄一弟，他排行第二，父親生前是運輸工人，但在他小時候因癌症離世，由媽媽獨力撫養兄弟三人，一家四口居住在屯門友愛邨愛德樓，有段時期因家境清貧而要靠領綜援維生。可幸是黎諾懿在圈中發展不俗，他坦言參加完2011年的《舞動奇蹟》第三季比賽時，與中國內地演員金晨合作奪得冠軍，成功到內地發展；之後拍處境劇《愛·回家》，收入穩定，令經濟逐漸好轉！

浪漫之旅定合家歡電影

2011年，他認識太太Nicole，她曾是「2007年度香港小姐競選」16強的佳麗，兩人交往3年後，並於2014年結婚。有指李潔瑩家族是擁5億美容院王國，所以當時黎諾懿被封為「5億駙馬」。2017年，妻子誕下兒子黎峰睿；2021年再產下二子黎奕辰，一家四口樂也融融。

由於今年11月11日（即下周一）正是二人結婚10周年紀念，在訪問中，問他們會怎樣慶祝時，黎諾懿大爆：「其實佢去年年尾已經問我，但我仲未知，唔係冇諗，只係未決定係我哋兩個自己慶祝，定係同埋兩個仔一齊慶祝。」他笑言二人世界絕對是一個浪漫之旅，但如果一家四口一齊慶祝，便變成了合家歡電影，還會是一個很疲憊做「阿四」的旅程，所以當太太決定好，他就會有定案。

愛老公高大簡單又孝順

問Nicole喜歡老公甚麼時，她笑言一定是高大，而且他好孝順，又是一個簡單專一的人，單是看挑選餐廳食飯，他來來去去只有2、3個選擇就知道，黎諾懿反駁：「好食咪得囉！」而且她形容老公生活有點悶，放工最愛回家睡覺，或與兒子玩耍，其他的就沒有了，彷彿是一個公園阿伯。故Nicole即表明他不是一個浪漫的人，但他卻會為身邊人製造一些小感動，Nicole解釋：「最近我哋搬咗新屋，我覺得個瀘水唔夠乾淨，好似有浸味咁，估唔到佢會記住，過幾日整咗先話畀我知。」廚藝高超的黎諾懿，又會不時下廚煮些拿手小菜給愛妻，當中的五花腩是最出色的。

由暴龍性格變得馴良

黎諾懿則憶述第一眼見到太太覺得她好靚，而且太太是一個沒有脾氣的人，與他剛剛相反，他脾氣之大可由以前一件事看出，他說：「有次去酒店食飯，我着住嗰時好流行嘅三個骨褲，點知居然唔畀入，個女侍應叫我換褲，理論咗好耐都唔得。」他表示當時真係好嬲，因為着長褲都不代表是尊重，不過換轉是現在的他，他會選擇去第二間餐廳食飯就算數。所以Nicole笑言：「佢以前係暴龍嚟，𠵱家變得馴良咗，因為屋企有個樹窿畀佢傾訴。」

另一半發嬲講對不起

提到二人這十年的點滴，黎諾懿覺得夫妻之間互相信任最重要，始終太太參選過港姐，美貌與智慧並重，問黎諾懿怕太太在外有狂蜂浪蝶嗎？他居然說：「就算有人追我都冇所謂，其實我老婆咁靚梗係驚，但我覺得夫妻應該互相信任先係，如果你成日驚要Check住佢，自己又好擔心，咁就唔係夫妻關係，只要佢講畀我知，佢去邊度食飯，幾點返嚟就由得佢。」而且他認為身為老公，不應與太太冷戰，他說：「同佢冷戰唔係麻煩自己咩？同埋你同另一半抗爭都輸硬，不如唔好搞咁多。」所以他一見太太生氣，就說對不起，而Nicole即笑笑說：「我會同佢講下次唔好喇！」原來夫妻相處之道應是這樣，所以往後的20年、30年、40年都可甜蜜幸福。

《星桄伴我心》其他精彩訪談：

1.「不一樣的佳麗」訪談系列之吳文忻：

吳文忻乳癌復發問天「Why me」獨家落淚剖白：「我不怕死！」

2.「樂壇實力派」訪談系列之黎瑞恩：

生兩個胰臟瘤，同仔女預先道別 黎瑞恩：「我以為差唔多要走了！」

3.「不一樣的佳麗」訪談系列之林寶玉：

阿儀鬧死八婆 直擊林寶玉電話對質 結局竟然係……